fbpx
الرئيسية / أخر أخبار السياحة / اكتشاف نقش هيروغليفي في السعودية للملك رمسيس الثالث
نقش هيروغليفي في السعودية
نقش هيروغليفي في السعودية للملك رمسيس الثالث على صخرة ثابتة في الزيدانية لمحافظة تيماء

اكتشاف نقش هيروغليفي في السعودية للملك رمسيس الثالث

نقش هيروغليفي في السعودية للملك رمسيس الثالث – نزل خبر السنه اللي فاتت وأشك ان معظمكم يعرفه أو سمع عنه ومش عارفه ليه حاجات زي دي مايتمش نشرها بشكل كبير

ماعلينا علماء الآثار اعلنوا عن اكتشاف نقش هيروغليفي في السعودية على صخرة ثابتة في منطقة الزيدانية لمحافظة تيماء السعودية

والنقش بيحمل توقيع للملك رمسيس الثالث ثاني ملوك الأسرة العشرين ( أوسر ماعت رع مري آمون).

السياحة في السعودية المحببة للجميع

وده ان دل على شىء بيدل على إن رمسيس الثالث زار السعودية أو بمعنى أصح ودقيق شبة الجزيرة العربية في القرن ال ١٢ قبل الميلاد، طبعا اكتشاف زي ده طرح تساؤلات كتيرة

ايه اللي جاب نقش هيروغليفي في السعودية والمنطقة دي

هل الملك هو اللي عمل النقش بنفسه ولا المصريين القدماء اللي مروا على المنطقه دي في فترة حكمه.

لكن علماء الآثار وضحوا ان نقش وتوقيع بالشكل ده لايمكن يعمله غير الملك بنفسه وده دليل على زيارته للمنطقة

طب برده ايه سبب الزيارة لمنطقة زي دي

في سببين مؤكدين الأول أن كان في طريق تجاري للقوافل المصرية التجاريه بين البلدين

وطبعا كلنا عارفين إن المصريين القدماء كانوا بيسيبوا نقوشات وصور ليهم في كل حته بيروحوها.

السبب الثاني ان رمسيس الثالث كان ليه نظريه سياسية عبقرية هي ازاي أحمي مصر من هجمات الاعداء، مش هحمي الحدود فقط لا انا هحميها من عقر دارهم

وبالتالي مصر أيامه وصلت للشام ولحدود تركيا، وده اللي دفعه لتأمين حدود مصر من ناحية شبة الجزيرة العربية.

طبعا في ناس هتدخل تقولي هي دي منطقه كان ليها تاريخ دول ماكنش عندهم تاريخ خالص دي صحرا.

أحب أقولك يافندم ان كان عندهم تاريخ كبير وحافل في كل شبة الجزيرة العربية اللي هي مش السعوديه بس

لا دي دول الخليج كلها ومنطقة تيماء السعوديه لوحدها فيها حوالي ٤٦ موقع أثري

وكانت بتتمتع من قديم الأزل بخصوبة التربه واعتدال المناخ وده خلاها مطمع اكتير من الحضارات، منهم ملك بابل نبونيد اللي احتلها عشر سنين.

شاهد أيضاً

أوروبا تعدل قانون تأشيرات الشنغن

أوروبا تعدل قانون تأشيرات الشنغن

أوروبا تعدل قانون تأشيرات الشنغن – اعتمد وزراء الداخلية والعدل بالاتحاد الأوروبي تعديلات على قانون …

بيزنس انسايدر مصر أكبر بقعه ساخنه للمسافرين النخبة في 2019

بيزنس انسايدر مصر هي أكبر بقعه ساخنه للمسافرين النخبة في 2019. اليك ما ترغب في …

متاحف فرانكفورت ببلاش للمصريين

هل تعلم ان متاحف فرانكفورت ببلاش للمصريين مواليد القاهرة

متاحف فرانكفورت ببلاش للمصريين – هل تعلم انك لو معاك إثبات انك من القاهرة أو …