fbpx
الرئيسية / أخر أخبار السياحة / مهرجان القلعه من اهم المهرجانات اللى بتقام فى مصر
مهرجان القلعه
مهرجان القلعه من اهم المهرجانات اللى بتقام فى مصر

مهرجان القلعه من اهم المهرجانات اللى بتقام فى مصر

مهرجان القلعه من اهم المهرجانات اللى بتقام فى مصر النهاردة هتبتدى فعاليات مهرجان من اهم المهرجانات اللى بتقام فى مصر وهو مهرجان القلعه الحفلة هتبتدى الساعه 8 بمجموعة عروض لفرق وهيختتم بالفنانه مى فاروق.

أفضل الأماكن السياحية في مصر | السياحة في مصر
معلومات عن خدمة أهلاً مطار القاهرة الدولي للمصريين والاجانب

مهرجان القلعه

سعر التيكت 20 ج

التذاكر بتتشرى من القلعه قبل الحفلة فحاولوا تروحوا بدرى عشان تلحقوا اماكن قدام وقبل الزحمه

الناس اللى هتحضر لهانى شاكر ومدحت صالح وعلى الحجار الحفلات دى بتكون complete ياعنى حاولوا تروحوا من بدرى الاعداد بتكون فوق ال ١٠ الاف يا جماعه

عمر خيرت اول مره يحضر السنادى فأعتقد الاعداد هتكون غفيرة يوم حفلته فمتنسوش برضه تروحوا بدرى

اوعى حد يلبس كلاسيك يا جماعه الكاجوال الخفيف المريح ثم الكاجوال الخفيف المريح

البسوا احذية رياضيه عشان المسافه بتكون كبيرة بين البوابة الخارجية وساحة المسرح

البنات ياريت ما تشيلوش شنط فى ايديكوا الافضل تكون كروس افضل صديق ليك فى اليوم ده هو ازايز الماية لان الجو بيكون حر

بالنسبة للاكل ممكن تاخدوا سناكس معاكوا مسموح بدخول اى اكل وعموما فى اكشاك كتيير جوا القلعه وجمب المسرح كمان

الكاميرات مبتدخلش يا جماعه غير بتصريح رسمى فبلاش تاخدوها معاكوا لكن معرفش ايه نظام الباور بانك

بالنسبة للمواصلات: أقرب مكان للقلعة هو ميدان السيدة عائشة، فممكن تركب للميدان وتتجه للقلعة مشي لمدة 10 دقائق

وأقرب محطة مترو أنفاق هي “الملك الصالح”، ومنها تركب ميكروباص السيدة عائشة الطريق بياخد حوالى ربع ساعة،

وبرضه في ميدان رمسيس جمب مسجد الفتح ميكروباص السيدة عائشة وبياخد وقت أقل من نص ساعة عشان توصل للسيدة عائشة.

اخيرا : اللى محضرش المهرجان ده فايته كتييير يا جماعه والله

الوصايا العشر لتجربة مهرجان القلعة

1/ حاول ع قد ما تقدر تروح بدري قبل الحفلة بساعتين او 3 وعلي حسب ضغط الحفلة

حفلة عمر خيرت يوم الاحد بالليل برجاء الذهاب يوم الجمعة بعد الصلاة مباشرة و كمان متفطرتش روح افطر ف القلعة علشان تلحق مكان.

2/ حاول تنسي انك من الاثرياء وانك عندك عربية و تعامل زي باقي الشعب ف المواصلات او اوبر ده احسن ليك والله الا ف حالات طوارئ

3/ لو رايح متاخر خليك من اصحاب النفس الطويل بمعني اي حد يقولك دول قفلوا الباب ومش هيدخلوا حد

انسي الكلام ده الا لما تكون متاكد 150% انك مش هتخش الباب بيفتح كل فترة ع حسب الاعداد والناس بتخش عادي

4/ صاحبك او صاحبتك اللي بيروح كل حاجة اول واحد ف حياته ده حبه جدا جدا

وقرب منه الفترة دي علشان هينفعك انه يشتري ليك تذكرة من بدري لو انت جي متاخر

5/الدخول النهاردة متاخر ع 9 و 9,30 كان لكل الناس سواء معاك تذكرة او لا ففي ناس بتخش كتير من غير تذاكر

6/ حافظ جدا جدا ع اي واحدة ست معاك لان ف الزحمة ف حاجات مش لطيفة بتحصل شوفتها بعيني النهاردة

7/ المشي رياضة حلوة تحبها وانت جوه القلعة هتمشي كتير سواء وانت داخل او خارج

8/ مياتك و عصيرك و مشروباتك و سلاطاتك وبابا غنوجك

9 / لو رايح مع اصحابك / اهلك اي حد و انتوا مجموعة و بتبص وراك ملقتش حد فيهم مش مهم خالص متحاولش تدور عليه ف الزحمة اعتبروا وقع منك و كمل طريقك عادي

ولو حد سئلك عليهم, اديله حتة محمد هنيدي باينهم وقع مني يا معلم هم كانوا يلزموك ف حاجة

10/ اخر حاجة المهرجان حلوة جدا و القلعة تحفة بالليل يعني خروجة جميلة و مش مكلفة سواء بنات / ولاد / اسرة ايا كان روحوا هتتبسطوا جدا

شاهد أيضاً

أسعار المتحف المصرى الكبير

أسعار المتحف المصرى الكبير للاجانب والمصريين 2020

أسعار المتحف المصرى الكبير للاجانب والمصريين الاسعار من غرفه شركات وكالات السياحه والسفر أقرها المجلس …

السعودية تصدر التأشيرات السياحية رسميا

السعودية تصدر التأشيرات السياحية عاجل : خبر جميل جدا رسميا السعودية حتصدر التأشيرات السياحية من …

قانون الهجرة الجديد الي المانيا للبحث عن عمل تم المصادقة عليه

قانون الهجرة الجديد الي المانيا قانون الهجرة الجديد الذي تم المصادقة عليه في المانيا قانون …