fbpx
الرئيسية / تجارب وتقارير سياحية / معلومات عن كروز البحر الكاريبي نورويجن NORWEGIAN (تجربة العمر)
معلومات عن كروز البحر الكاريبي
معلومات عن كروز البحر الكاريبي نورويجن تجربة العمر مدينة متكاملة تبحر في المحيط

معلومات عن كروز البحر الكاريبي نورويجن NORWEGIAN (تجربة العمر)

معلومات عن كروز البحر الكاريبي – رحلة العمر وكفي تفاصيل كروز البحر الكاريبي الرحلة دي بتطلع مرتين من مصر كل سنة بدأت من مطار القاهرة متجها الي ألمانيا علي طيران (لوفتهانزا) والترانزيت كان في مطار (فرانكفورت) ثم الطيران الي أمريكا تحديدا مطار ( اورلاندو ) وصلنا تقريبا علي المغرب وفي باص منتظر في المطار وكان وسيلتنا للوصول الي الفندق كان فندق (شيراتون اورلاندو )

قد يهمك: أفضل الرحلات البحرية الفاخرة رؤية العالم بأناقة
قد يهمك: سفينة الحرية أكبر سفينة سياحية في التاريخ البحري

معلومات عن كروز البحر الكاريبي

دخلنا الفندق ومن ضمن أسباب السعادة في السفر خد معاك شنطة واحده علشان تكون خفيف وبتتحرك بسهولة

الحجز كان غرفة سنجل مطله علي حمامات السباحة بعد العشاء دخلت الغرفة وخير الله ما اجعله خير حاجه كده يارب تكون من بختك ومن نصيبك

غرفة في حدود 70 متر بالبلكونة وحمام بقي آيه اوعي المهم علشان الرحلة كانت طويله نمت بسرعة

علشان برنامج بكره هيبدا الصبح بدري الساعة 10 الصبح بعد الفطار توجهنا بالباص الي الغرض الأساسي ميناء (ميامي البحري)

السفينة نيروجين كروز البحر الكاريبي

حيث النظرة الأولي للسفينه العملاقة (نيروجين) وكانت أكبر سفينة من حيث الحجم في الميناء

والرحلة متجه الي دول وجزر عدة في البحر الكاريبي وعلي متنها 4000 سائح تقريبا

طبعا في مكاتب في ميناء ميامي بتتطلع علي الباسبور ونوع حجزك علشان تاخد كارت زي الفيزا بيكون ممثل في كل حاجه

مثل بديل للباسبور وباب الغرفة في المركب وكمان تشتري كل شيء علي المركب وتحاسب في آخر يوم في الرحلة

وكل حاجه علي المركب (مجانا) إلا الخمور والشوبنج

وصلت الغرفة في المركب وكان نوع الحجز غرفة سنجل مطلة علي المحيط في الدور الثامن

وحاجة كده خير الله ما اجعله خير يارب تكون من حظك ومن نصيبك هتكون مسكني خلال الثلاث عشر يوما القادمين

وبعد ساعات أعلن القبطان ببدا إبحار طبعا كمصري طبيعي الفضول ماسكني السفينة دي فيها ايه من جوه وبدات رحلة الاكتشاف

ملحوظه الخبره بتنفع هنا كان معايا واحد صاحبي سافر قبل كده علي نفس المركب بس اتجاه أوروبا الحجز بتاعه جنبي قالي جاهز ؟ بلغته جاهز

قالي نبدأ بالدور ال 15 قؤلتلة هو في 15 كمان قالي أصلها 18 دور سكت وفي نفسي كلام كثير طلعنا الدور 15

ولقيت اللي بدور عليه من زمان العشق الممنوع المطعم الرئيسي لقيت الدور ال15طلع مطعم علي مساحه فدان ارض حضرتك

بوفية تركي بوفية هندي بوفية إيطالي بوفية ألماني بوفية صيني تقريبا 13 نوع من البوفيهات لثقافات الأكل المختلفة وكان الأقرب لينا المطعم التركي

وطبعا الأكل بيكون علي البحر مباشرة في الدور ال15 فلذلك نفسك بتتفتح لكل حاجه

ومن أجمل الحاجات اللي موجوده ولمده 13 يوم اللي جايين انك بتشوف الناس كلها مبسوطه

وكل الناس بتضحك وبتهزر والابتسامة مبتفرقشي وش حد ابدا السعادة

خلصنا أكل روحنا بقي ننزل (الجاكوزي) علشان الواحد من الصبح تعبان بين المطعم والسينما

أصل انا نسيت اقولكم أن المركب فية 3 سنيما وعروض مختلفة من وقت للتاني كان أجمل جاكوزي كان في آخر نقطه علي المركب

بتكون قاعد فيه علي حافة السفينة طبعا في أمان لدرجة كبيرة وكاميرات وحياة تانيه ملناش دعوة بيها

في الطريق للغرفة اللي هي علي بعد فدان أرض الشاور التمام وننزل علشان السهرة الجميلة

وهنا بدأت ولكل واحد منا مذاق وذوق مختلف انا عن نفسي بحب ابدا السهره من المطعم اه وربنا اللي هو في الدور ال15

طبعا عارفينة جميع انواع الفاكهة ولكل منا ذوق مختلف وخلصت العشاء

وروحنا فين بقي روحنا الحفلة الجميلة اللي علي سطح السفينة ناس من كل بلاد العالم فرحانه ومبسوطه

وكل 3 دقائق تلاقي واحد بيتعرف بيك 4000 واحد معاك علي المركب يعني اكيد كل الجنسيات موجوده علي المركب

فضلت الحفلة شغاله للساعة 12 بالليل بعد الانتهاء قدامنا كذا اختيار صالة الألعاب ولا الديسكو قولنا الالعاب ودي حضرتك في الدور السادس روحنا ولعبنا كل الألعاب اللي تتخيلها

الساعة بقت 2 ليلا روحنا المطعم في الدور السابع اكلنا خفيف ومشروبات خفيفة طبعا حضرتك مستني هنام أمته ؟ وده سؤال ميتسالشي

حضرتك انا هنام لما ارجع مصر وده اللي حصل النوم كان في الباص أو الطيارة بس المهم بعد المطعم نروح بقي حفلة منتصف الليل ( الديسكو ) الدخول مجانا

اللي بتنتهي الساعة 6 صباحا تقريبا وأخيرا الغرفة الشاور الجميل ونجهز شنطة الكتف الجميلة وننزل الساعة 7:30 للفطار

الساعة 9 بالظبط اول نزول لينا من علي المركب لأننا وصلنا المكسيك وبعد يومين من الإبحار لنفس البرنامج وصلنا جامايكا

وبعد يومين إبحار وصلنا جورج تاون وبعد يومين إبحار وصلنا اجمل جزر في العالم جزر البهاما

في النهاية دي تعتبر أفضل تجربة بالنسبة لي في حياتي ❤

كل شي علي المركب مجاني إلا الشوبنج
4 مطاعم منهم واحد علي مساحة نصف المركب بالدور 15
6 جاكوزي في أماكن مختلفة
4 حمامات سباحة
1 اكوا بارك ضخمه تبدأ من الدور 15 وتنتهي في الدور 18
3 سينما
2 مسرح ثقافي ترفيهي
8 ماكينة سحب ATM
5 صالات قمار من 10 العاب مختلفة
في النهاية مدينة متكاملة تبحر في المحيط

ملحوظه الدول المستضيفة للمركب محتاجة تأشيرة امريكا فقط للدخول الي ارضيها

واخيرا العوده لميناء ميامي وركوب الباص والذهاب الي الشوبنج تروح تعمل شوبنج في أمريكا تدخل الماركات العالمية

أي تي شيرت 15 دولار أو 20 دولار يعني 300 جنية نرجع مصر نلاقية ب1500 ليه انا مش عارف

ملحوظه اغلي بلد في العالم في الماركات العالمية ( مصر _ الإمارات )

وأخيرا الذهاب الي فندق شيراتون وقضاء الليلة الاخيره من الرحلة الرائعة ثم الذهاب الي مطار اورلاندو مساء والعودة إلى مصر الحبيبة

ترجع من الرحلة تقعد أسبوع في البيت مش عايز تكلم حد

موقع السفينة نورويجن علي الانترنت

شاهد أيضاً

الهجرة الي استراليا

الهجرة الي استراليا أهم النقط وازاي تبدأ هجره استراليا

الهجرة الي استراليا – تابع قراءة المقال عن موضوع الهجره لاستراليا متشعب جدا هنحاول نتكلم …

تأشيرات بلاد المغرب العربي

طرق الحصول علي تأشيرات بلاد المغرب العربي المغرب ,تونس ,الجزائر

تأشيرات بلاد المغرب العربي – بما ان ناس كتير بتسأل علي ازاي تطلع فيزا المغرب …

الدراسة في روسيا

معلومات عن الدراسة في روسيا الخطوات وتكاليف المعيشة

الدراسة في روسيا – هنتعرف في المقال ده طرق الدراسة في روسيا في صيغه سؤال …