fbpx
الرئيسية / المسافرون العرب حول العالم / ليه تسافر تركيا مش اي دولة تانية مثلا ؟
ليه تسافر تركيا مش اي دولة تانية
ليه تسافر تركيا مش اي دولة تانية

ليه تسافر تركيا مش اي دولة تانية مثلا ؟

ليه تسافر تركيا مش اي دولة تانية مثلا ؟

اولا : تركيا تعتبر من الدول النادرة اللي هتلاقيها نضيفة جدا بس فيها حتة همجية و عشوائية هتحسسك انك لسة ف بيتكوا ف مصر

ثانيا : فيزا تركيا مش صعبة و مبيطلبوش طلبات تعجيزية الموضوع ف المتناول جدا ف بالتالي اي حد من اي طبقة يقدر يسافر بسهولة

نصائح لو ناوي تسافر تركيا
السياحة في تركيا بين الطبيعة والاثار والفن

ثالثا : تركيا رخيصة .. لاء مش بشتمها فعلا البلد اسعارها رخيصة مقارنا ب اي دولة ف اوروبا يعني ممكن تصرف ف اسبوع اللي بتصرفه ف اسبوع ف مصر و اعرف ناس بتصرف اقل

رابعا : البلد مش اسلامية و مش علمانية البلد فيها كل حاجة هتسمع الاذان في كل مكان انت فيه و هتدخل السوبر ماركت تلاقي ازايز فوتيكا جنب علب اللبن

انت اللي بتختار عايز ايه و انت اللي رجلك بتوديك و ايا كان اختيارك محدش بيمنعك عن فعل شئ حرفيا ( انت حر ان لم تضر )

خامسا : تركيا اصبحت رقم واحد مؤخرا في السياحة العلاجية ( زراعة الشعر – تركيب و تقويم الاسنان – عمليات شفط الدهون ) وخلافه وبأعلي تقنيات وبسعر منخفض ف انت ممكن تستفاد برحلتك ف تركيا ب اشياء كتير مش شرط رحلات فقط

سادسا : صحابنا هواة الشوبينج مبقاش في شوبينج ارخص من كدة انا بشتري هنا ارخص ما بشتري ف مصر دا بعيدا عن فرق الكواليتي المرعب طبعا للمنتج التركي

سابعا : تركيا مش اسطنبول بس .. في مدن كتير غير اسطنبول اجمل و ارخص بس الموضوع محتاج انط تدور و تهتم مترضاش بالسهل

ثامنا : لو بتفكر تقيم هنا بشكل قانوني و متبقاش محتاج انك تعمل فيزا كل شوية ف البلد هنا قالتلك انك ممكن تعمل اقامة سياحية لمدة سنة و تجدد ف الموعد و من خلال الاقامة تقدر تروح اي بلد و ترجع تركيا مهما كانت المدة خلال السنة بدون اي فيزا ولا تصاريح امنية

السفر لتركيا مع الاطفال – تجربة شخصية مع الكيدز لتركيا

تاسعا : الدراسة هنا رخيصة جدا و الجامعات التركية طلباتها بسيطة و مصنفة عالميا ف اللي حابب يكمل دراسته او يحضر ماستر ف اي تخصص هيلاقي هنا مناخ مناسب و بسعر بسيط

عاشرا و اخيرا : حاول دايما تفهم انك مراية لبلدك سواء ف تركيا او غيرها الاجنبي ميعرفش عن بلدك غيرك انت ف انت بالنسباله البلد كاملة .. عرفت حجم المسؤلية ؟! ..

دمتم في امان الله و اقل سوءا

شاهد أيضاً

نصائح سياحية الأردن

نصائح سياحية الأردن

نصائح سياحية الأردن حيث تُعد تلك البلد من أروع المناطق السياحية جمالًا على مستوى العالم، …

احصل على تذاكر طيران مخفضة

احصل على تذاكر طيران مخفضة لجميع وجهات السفر

احصل على تذاكر طيران مخفضة لجميع وجهات السفر يُعد السفر من الأمور التي يُفضلها الكثير …

اسعار زيارة الأهرامات الجديدة

اسعار دخول الأهرامات 2020 للمصريين والعرب والاجانب ومواعيد الزيارة

اسعار دخول الأهرامات 2020 نستعرض في هذا المقال اسعار زيارة الأهرامات الجديدة بعد التعديل شامل …