fbpx
الرئيسية / تجارب وتقارير سياحية / لما نحب نشتري من الهند ايه اهمهم وأشهرهم
لما نحب نشتري من الهند
لما نحب نشتري من الهند

لما نحب نشتري من الهند ايه اهمهم وأشهرهم

لما نحب نشتري من الهند ايه اهمهم و أشهرهم

١. التوابل الهندية زي الكاري و المسالا و الكركم والزعفران الأصلي ، احسن مكان سوق التوابل في مدينة دلهي القديمة .

٢. الزِّي الهندي التقليدي الساري وهناك بيفصلوه للأجانب عشان يتلبس اسهل زي چيب وبلوزة و عليهم شال

وأسعاره لتتراوح من ٤٠ دولار الي الف دولار حسب القماش و الشغل الي فيه و تلاقوا في المحلات في كل مدن الهند

٣. الشاي الأسود و الأخضر و الأبيض تلاقوهم في محلات العطارة او السوپر ماركت

٤. الشال او الكوفية بجميع أحجامها و اشكالها و نوعياتها وأحسنهم طبعا من كاشمير وبيسموة پاشمينا

الأسعار مختلفة والنوعيات كمان بس خلي بالكم لو عايزين شال پاشمينا پيور ومَش مخلط باي خامة اخري لازم تروحوا مكان مضمون

وتعرفوا ان أحسنهم بيبقي خفيف جدا وممكن تدخلوه من فتحة خاتم يطلع من الناحية التانية بسهولة بس هتدفعوا فيه شوية

٥. في مدينة اجرا الي فيها تاج محل اكتر حاجة مشهورة هناك اعمال الرخام المطرز بأحجار نصف كريمة

ممكن تشتروا ترابيزة او لوحة علي الحائط او علبة رخام صغيرة وطبعا مجسم رخام صغير لتاج محل ممكن تنوروه من الداخل بيبقي حلو اوي .

٦.القماش الحرير والمشغول والمطرز ، الشنط الملونة الي ممكن تستخدم علي حسب نوعيتها علي البحر في الصيف او خروجات عادي ، مفارش السفرة او رنر سرير ، اكياس الخداديات بجميع أحجامها و الوانها و قماشها .

٧ . في مدينة چايبىور اشهر حاجة بتتباع عندهم الرسومات الدقيقة والصغيرة جدا المرسومة علي عظم الفيل او الجمل او علي ورق و ده فن رائع الجمال ومميز جدا و أسعاره مَش قليلة

قد يهمك: السفر الي الهند لو عاوز تسافر قارة كاملة بفيزا واحدة

صور صغيرة جدا مرسومة بدقة و الوان لفيل مثلا او لمنظر طبيعي مَش اقل من ٦٠ دولار .

٨.الذهب والفضة الهندي المرصعة بأحجار نصف كريمة او احجار كريمة من اشهر الحاجات الي الستات هتحبها اوي والرجالة هتزعل.

٩. البخور الهندي الأصلية مسك و عنبر، و الحنة طبعا .

١٠. واخيرا طبعا المنسوجات و موديلات الملابس علي الطراز الهندي زي البنطلونات والبلوزات والفساتين بألوانهم الجميلة جدا وأسعار تتراوح من٨ دولار الي ١٠٠ .

المهم جدا بقي نبقي عارفين ان لازم تفاصل و تنزل بالسعر أوعوا تشتروا بالسعر الي بتسمعوة، بجد مشكلة عشان هما تجار شاطرين بس لازم نكون اشطر منهم مصريين بقي.

العملة هناك روپي يعني 50 روپي يعني ١٢ جنيه مصري وعشان تقدر تتخيل لو عايز تعطي بقشيش للراجل الي طلع لك الشنط في الاوضة من الريسبشن هياخد 50 روپي علي كل شنطة

شاهد أيضاً

الهجرة الي استراليا

الهجرة الي استراليا أهم النقط وازاي تبدأ هجره استراليا

الهجرة الي استراليا – تابع قراءة المقال عن موضوع الهجره لاستراليا متشعب جدا هنحاول نتكلم …

تأشيرات بلاد المغرب العربي

طرق الحصول علي تأشيرات بلاد المغرب العربي المغرب ,تونس ,الجزائر

تأشيرات بلاد المغرب العربي – بما ان ناس كتير بتسأل علي ازاي تطلع فيزا المغرب …

الدراسة في روسيا

معلومات عن الدراسة في روسيا الخطوات وتكاليف المعيشة

الدراسة في روسيا – هنتعرف في المقال ده طرق الدراسة في روسيا في صيغه سؤال …