fbpx
الرئيسية / أخر أخبار السياحة / معلومات عن فيزا العمرة الإلكترونية
فيزا العمرة الإلكترونية
فيزا العمرة الإلكترونية

معلومات عن فيزا العمرة الإلكترونية

فيزا العمرة الإلكترونية مرحبا متابعين ملتقي السياحين العرب قرار رائع عملته السعودية مؤخراً، فيزا العمرة أصبحت إلكترونية وبتطلع فى ٢٤ ساعة فقط ومش لازم تتحط على الباسبور، ومفتوحة طوال العام ماعدا موسم الحج، يعنى اى حد يقدر يسافر فى ٣ أيام لو حابب

فيزا العمرة الإلكترونية

كل المطلوب نسخة من الباسبور ترسلها واتساب او ايميل لأى شركة سياحة تعرفها تكون شغالة فى رحلات الحج والعمرة
(ابعد عن الشركات المشهورة لانهم مش بيرضوا يعلوها)، بعد ٢٤ ساعة على الأكثر هتستلم التأشيرة على الإيميل.
تكلفة التأشيرة ٢٥٠٠ج ومش بتدفع اى حاجة تانى، اطبع التأشيرة، احجز تذكرة الطيران والفنادق بنفسك بالأيام اللى تناسبك، وتوكل على الله.
الطيران السعودي او مصر للطيران انضف وأنسب فى المواعيد والأسعار او لو لاقيت طيران اقتصادى هيبقى ارخص.
اللى ناوى زيارة المدينة مع مكة، اسأل على الأرخص فى تذاكر الطيران انك توصل مكة الأول وترجع من المدينة والا العكس لان بتفرق فى سعر التذكرة، وتابع الأسعار من على skyscanner.net.
احجز الفنادق من على booking.com، شوف الفنادق حسب ميزانيتك واحجز الانسب لك
هتلاقى فنادق غالية وفنادق رخيصة جداً على حسب وقت السفر والقرب او البعد من الحرم.
ودى ميزة انك تبقى طالع مع نفسك مش ملتزم مع شركة تتحكم فيك او تدفعك مبالغ بدون داع، انت اللى بتحدد حسب راحتك وميزانيتك.
اللى ناوى يعمل عمرة تانية، بياخد باص او تاكسى من عند فندق التوحيد امام الحرم، لمنطقة اسمها التنعيم (١٥ دقيقة تقريباً من الحرم)
هناك يحرم وينوى العمرة ويصلى ركعتين فى مسجد التنعيم ويرجع الحرم يعمل العمرة لنفسه او لحد من أهله وهكذا.
كدا حتى لو حد الميزانية معاه على ادها وحابب يعمل عمرة، يقدر يسافر على مكة
يعمل عمرتين فى ٣ ايّام ويحجز فندق بعيد يكون رخيص او حتى يقعد فى الحرم
ويختار وقت يكون تذاكر الطيران فيه رخيصة طالما بقت مفتوحة طول السنة، يخلص عمرته ويرجع.

الانتقالات بين مكة والمدينة، فى ٣ طرق:

١-القطار الجديد، مدته تقريباً ٣ ساعات لكن غالى شوية ومواعيدة محدودة وطبعاً محتاج تاكسى منه واليه.
٢- سيارات اجرة مكيفة ومريحة والمدة ٤ ساعات(عند فندق التوحيد جنب الحرم المكى).
٣- باصات مكيفة لكن بتاخد وقت طويل، ٦ ساعات تقريباً.

مزارات مكة

بعد العمرة لو عايز تروح المزارات فى مكة، وقف اى تاكسى من عند فندق التوحيد امام الحرم
واتفق معاه، بالكتير ١٠٠ او ١٢٠ ريال يوديك كل المزارات زى جبل النور-غار حراء، جبل ثور-غار ثور، منى، مزدلفة، عرفات، ورمى الجمرات.
شوفت ناس بتطلع جبل النور علشان يدخلوا غار حراء لكن دى اكيد بيكون ليها زيارة مخصوصة.

مزارات المدينة:

من عند الفندق بتاعك وقف تاكسى ب ٨٠ ريال يوديك المزارات زى مسجد قباء (اللى يخرج من بيته على وضوء بنيه الصلاة فيه وراح صلى فيه ركعتين تحتسب له اجر عمرة)،
مسجد القبلتين (اللى اتحولت فيه القبلة ومازالت القبلة القديمة موجودة)، جبل الرماة، جبل احد، مقابر شهداء أحد
مكان معركة الخندق، وطبعاً اخرج من الحرم المدني فى اى وقت زور أهل البقيع.

أخر نقطة

سمعت ان وزارة السياحة ناوية تتدخل وتوقف الموضوع أو تضع له قيود مش عارف ليه
فهيبان مع الموسم الجديد فى اول محرم وزارة السياحة هتعمل ايه، نتمنى انهم يسيبوا الموضوع ميسر على الناس من غير تعقيد.
وطبعاً كل حاجة بتوفيق ربنا سبحانه وتعالى وأمره، وربنا يرزقنا جميعاً دوام الزيارة ويتقبل منا ومن الجميع، اللهم آمين

شاهد أيضاً

متاحف فرانكفورت ببلاش للمصريين

هل تعلم ان متاحف فرانكفورت ببلاش للمصريين مواليد القاهرة

متاحف فرانكفورت ببلاش للمصريين – هل تعلم انك لو معاك إثبات انك من القاهرة أو …

مقابر سراديب الموتى كوم الشقافة

مقابر سراديب الموتى كوم الشقافة كامله بعد الترميم

مقابر سراديب الموتى كوم الشقافة لأول مره افتتاح مقابر سراديب الموتى ( كوم الشقافه) كامله …

إستيقظ عند البوابة مطار دبي وفندق دبي الدولي

إستيقظ عند البوابة مطار دبي وفندق دبي الدولي اقامة 12 ساعة مقابل 350 درهم

إستيقظ عند البوابة مطار دبي يطلق خدمة ” إستيقظ عند البوابة” ب ل ٣٥٠ درهم الخدمة …