fbpx
الرئيسية / السياحة معالم وأماكن / رحلة اكتشاف الجنوب مرسي علم – اسوان هتشوف انقي ناس وسط جمال الطبيعة
رحلة اكتشاف الجنوب مرسي علم - اسوان
رحلة اكتشاف الجنوب مرسي علم - اسوان

رحلة اكتشاف الجنوب مرسي علم – اسوان هتشوف انقي ناس وسط جمال الطبيعة

رحلة اكتشاف الجنوب مرسي علم – اسوان – الواحد كل ما نزل الجنوب بيشوف ناس انقي ناس اجمل ناس اطيب ناس معندهاش الكلاكيع بتاعت اللي عايشين في زحمة العاصمة و الدلتا , الناس اللي عايشة وسط جمال الطبيعة افضل بكتير من اللي عايش وسط البنوك والمولات والشركات ومطاعم الفاست فود

قد يهمك: دليل كامل لزيارة القاهرة برنامج 7 ايام ممكن تعمل فيهم ايه
قد يهمك: السياحة في مصر بين الترفيه والحضارة شاهد بنفسك جمال أم العالم

رحلة اكتشاف الجنوب

رحلتنا كانت من القاهرة الي مرسي علم ومن مرسي علم الي اسوان ومن اسوان الي القاهرة

(مرسي علم)

مرسي علم جمالها في اللي تحت البحر فقط لو انتم مش من عشاق الكائنات اللي تحت البحر و الشعب المرجانية يبقي مرسي علم مش بتاعتكم , مرسي علم مفيهاش حاجة تتعمل غير كدة

الانتقالات

في طيران بس مش كل يوم و ارخص تذكرة من القاهرة الي مرسي علم بـ 3500 جنيه ذهاب و عودة

في سوبر جيت لـ 3 شركات بتروح مرسي علم انضفهم جوباص بـ 180 جنيه و 150 جنيه للذهاب و زيهم للعودة

وفي شركة جنوب الصعيد (من الترجمان) بـ 120 جنيه للذهاب و زيهم للعودة و في شركة الخليجية بـ 120 جنيه للذهاب و زيهم للعودة

الاقامة

افضل مكان تنزل فيه هو وسط مرسي علم (مركز مرسي علم)

عشان تكونوا قريبين من اماكن الفسح في مرسي علم و كمان توفروا في مصاريف الانتقالات و كمان عشان حواليك اكتر من سوبر ماركت و مطاعم و في سوق لو تحبوا تشتروا اكل و تطبخ

والاقامة هناك في شقق مفروشة غرفتين (فيهم تكييف) و صالة و حمام و مطبخ و السعر يبدأ من 250 جنيه في اليوم الي 450 جنيه في اليوم

لو بتحبوا الفنادق يبقي فندق Abu Dabbab Lodg هو فندق رائع جدااا و بيطل علي اجمل شاطئ في مرسي علم اسعاره في الايام العادية رخيصة جدا بـ 300 جنيه تقريبا للفرد في الليله شامل الفطار و الغداء و العشاء و في ايام الاعياد و المواسم الاسعار

غالية ولازم حجز مسبق دي صفحتهم لو تحبوا تعرفوا اي تفاصيل : https://goo.gl/T9fq4a

تعملوا ايه في مرسي علم ؟

1- زيارة شعب صمداي و الدولفين هاوس باليخت

دي رحلة باليخت بتدخل في قلب البحر لمنطقة اسمها شعب صمداي بتعملوا هناك سنوركلينج لاجمل شعب في العالم

وبيكون علي بعد 500 متر منها منطقة الدولفين هاوس و دي المكان اللي عايش فيه الدلافين

ودي ممنوع دخولها باليخت او الزويدك او حتي عوم لانها محمية طبيعية

كنا شيفنهم علي بعد في اوقات بتخرج و بتعوم حواليكم و اوقات لا (حسب حظك) احنا عدي من جنبنا 4 دلافين بسرعة ملحقناش نلعب معاهم او نتصور و الرحلة دي بتبدأ من 8 الصبح لحد الساعة 4 او 5

كل ده ب 450 جنيه شامل الاكل و الشرب و ادوات Snorkeling علي اليخت

لو انتم اقامتكم في مركز مرسي علم هتروح مرسي اليخوت 10 دقايق مشي او 5 دقايق بالعربية لو اقامتكم في فنادق هتحتاج عربية تنقلكم لمرسي اليخوت

2- رحلة الي محمية واد الجمال

ودي بيكون فيها زيارة لشاطئ حنكوراب و ده مصنف من اجمل شواطئ العالم وبتدفعوا 10 جنيه لكل فرد رسوم حق الخيمة اللي بتقعدوا فيها

وزيارة الي شاطئ القلعان اللي فيه شجر المنجروف و هناك ممكن تشرب مشروب اسمه الجبانة (مشروب بدوي)

عبارة عن قهوة علي اعشاب زي خشب مطحونه و في العودة بتروح منطقة النيزك و دي عبارة عن حمام سباحة كبير بين البحر و الجبل و تحضر هناك الشروق بيكون المنظر جميل

الرحلة غالية شوية لانها بتبعد 120 كيلو جنوب مرسي علم الاحسن انكم تاجروا ميكروباص و تطلعوا مجموعة و تقسموا الفلوس عليكم احنا عملنا كدة و كلفتنا 150 جنيه للفرد

3- زيارة شاطئ ابودباب (اجمل شواطئ مرسي علم)

لو انت مش مقيم في فنادق الشاطئ بتدفع رسوم دخول 120 جنيه للفرد و الاطفال مجانا

هناك هتشوف حيوان الدوجونج والسلاحف و ممكن تشوف صغار السلاحف وهي خارجة من البيض وبتجري علي المياه زي الفيديو ده

وكمان هتشوف اجمل شعب مرجانية و اجمل سمك ولو حظك عالي في اوقات الدلافين بتيجي زيارة للشاطئ ده بتلعب مع الناس وتمشي

4- زيارة الشواطئ العامة او المجانيه هي شواطئ ببلاش و مفيهاش اي خدمات هي عبارة مياه صافية جدا زي اي شواطئ مرسي علم مع موجة خفيفة

(اسوان)

لو كتبنا عنها مليون مقال مش كفاية بجد احلي محافظة في مصر و احلي ناس تعاشرهم بس نصيحة سافروا اسوان في الفترة ما بين 20 سبتمبر الي 30 مارس عشان ارتفاع درجة الحرارة

الانتقالات

من مرسي علم مفيش غير ميكروباص من موقف جنوب الصعيد بـ 40 جنيه بياخد 3 ساعات و تبقي في اسوان

من القاهرة الي اسوان في 3 وسائل انتقالات

اولا الطيران و ارخص تذكرة بـ 2000 جنيه ذهاب و عودة

ثانيا السوبر جيت و بياخد اكتر من 13 ساعة من القاهرة الي اسوان

ثالثا القطار بياخد من 14 ساعة وانت طالع من القاهرة الي اسوان او العكس

في قطار النوم و قطار VIP درجة اولي و درجة تانية و في قطار اسباني درجة اولي و درجة تانية و كلهم مكيفيين

تجربتنا كانت في قطار الـ VIP درجة تانية بـ 135 جنيه للفرد و كان رائع جدا و الحمام نضيف جدا و في فيش كهرباء بين كل عربات القطار

الاقامة

اولا الفنادق و دي بتبدأ من 120 جنيه غرفة دبل يعني الفرد بـ 60 جنيه

ثانياً الاقامة في البيوت النوبي في احد قري النوبة و الاسعار بتبدأ من 300 جنيه الغرفة دبل بالفطار يعني الفرد ب 150 جنيه

المواصلات في اسوان

في هناك كل وسائل المواصلات توكتوك و الحنطور و الميكروباص و التاكسي (ارخص من القاهرة)

نتفسح فين في اسوان ؟

الاجابة علي السؤال ده محتاجة بوست لوحده فهنحاول نختصر

اولاً المتاحف

متحف النيل
متحف النوبة
متحف ألفنتين (جزيرة ألفنتين فيها متحف و معبد و قرية نوبية)

ثانيا القري والجزر

غرب سهيل
هيسيا
جزيرة النباتات
جزيرة ألفنتين (جزيرة ألفنتين فيها متحف و معبد و قرية نوبية)

ثالثاً المعابد

معبد ابوسمبل
معبد فيليه
معبد كوم امبو
معبد كلابشة
معبد ألفنتين (جزيرة ألفنتين فيها متحف و معبد و قرية نوبية)

رابعاً وسائل الترفيه في اسوان

– دخول استاد اسوان اثناء المبارايات اغلب الوقت مجاناً استاد صغير بس جميل جدااا

– مول اسوان بلازا في هناك مطاعم فاست فود و ملاهي اطفال في اول 3 ادوار و اماكن لعمل جلسات مساج و محلات تجارية

– ملاهي بكار

– جولات في النيل بالمركب

– زيارة جبل سيدي ابو الهوا و مقابر النبلاء برحلة نيلية

المصدر من صفحة رضوي ومصطفي

شاهد أيضاً

أفضل الاماكن السياحيه فى الصين

أفضل الاماكن السياحيه فى الصين يمكنك زيارتها

أفضل الاماكن السياحيه فى الصين يمكنك زيارتها – تعتبر الصين من أكثر الاماكن الجاذبه للسياح …

أفضل 7 شواطئ فى العالم

أفضل 7 شواطئ فى العالم

أفضل 7 شواطئ في العالم – عندما يأتي الصيف يبدأ الجميع في البحث عن أفضل …

أفضل الأماكن السياحية في أمريكا

أفضل الأماكن السياحية في أمريكا

أفضل الأماكن السياحية في أمريكا – تعد الولايات المتحدة الأمريكية من أكثر الأماكن الجاذبة للسياح …