جزيرة بوكيت في تايلاند – لو مسافر تايلاند من مصر احجز تذكرة الطيران من علي موقع wego ده افضل وارخص موقع ويفضل تسافر من مطار القاهرة هيكون ارخص من اسكندرية انا حجزت ذهاب وعودة من مطار القاهرة لبانكوك ب ٦٥٠٠ جنية علي طيران الخليج وده طيران كويس جدا
قد يهمك: السياحة في تايلاند بين الجمال والخيال
قد يهمك: أفضل نصائح السفر إلي سريلانكا الحياة أخضر في أخضر
انا جربته مرتين قبل كده ومن بانكونك تقدر تحجز طيران داخلي لبوكيت ذهاب وعودة في حدود من ٨٠٠ -١٠٠٠ جنية علي حسب نوع الطيران وده اوفر ليك
بالنسبة لحجز الفندق موقع Booking احجز منه وفيه اسعار كتير واسعار الفنادق في بوكيت رخيصة
وطبعا في غالي كل واحد علي حسب الميزانية بتاعته بس في كل الاحول الفنادق هناك حلوة جدا
جزيرة بوكيت في تايلاند
احجز تذكرة من المطار الميكروباص تويوتا ب 180بات هتوديك لحد باب الفندق مفيش داعي للتاكسي غالي علي الفاضي
اشتري خط نت من المطار حلو اوي ورخيص وباقه مش بتخلص .للانترنت وكمان مكالمات كويسه لمدة 5 او ٧ ايام
هتفيدك جدا وتقدر تستخدم جوجل ماب عشان تقدر تروح اي مكان في بوكيت
اجر موتوسيكل ب 200بات في اليوم ولف بيه كل بوكيت متخفش مش هتوه وكمان ده هيوفر ليك كتيير او لو اخدت تاكسي لاي مكان
وحتي التوكتوك للاماكن البعيده مش رخيص هيكون غالي بس اهم حاجه لازم تكون لابس الخوزة علي راسك وانت سايق عشان الشرطة هناك هتخالفك لو شافتك
لكن الرخصة لو مش معاك بيعدوها انا اتخالفت بسبب الخوزة دي ودفعت ٥٠٠ بات ف لازم تاخد بالك
الرحلات بتاعت جيمس بوند وفي في ايلاند دول افضل رحلتين وتقدر تروحهم ب speedboat او Bigboat
وانا رأي ترو بال Bigboat عشان هتقدر تستمع بالمناظر الطبيعية اثناء الرحلة عشان بيكون عبارة عن دورين وتقدر تقف وتصور وكل شئ
لكن ال Speedboat بيكون ماشي سريع جدا ومش هتعرف تصور كويس ومش هيكون فيه مساحه انك تتحرك فيه بسهولة
اي رحله في بوكيت بتتحجز من اي شركة سياحه أو كشك جنب الفندق بتاعك وبتاخد وصل
فاصل وشوف اكتر من مكان وفاصل علي قد ما تقدر وشوف الوصل كويس علشان ممكن يديك سعر رخيص ويكون كاتب الغاء لحاجه معينه في الرحله وتضطر تدفع لما توصل مكان الرحلة
افحص الوصل كويس وحجز الرحله بيشمل أن الميكروباص بيجي ياخدك من الفندق والغدا كمان ويرجعك لحد باب الفندق في اخر اليوم متقلقشي السواقيين حافظين بوكيت زي اساميهم
من اهم الاماكن اللي ممكن تزورها وحلوة جدا في جزيرة بوكيت في تايلاند
*Bigbuddha
*Monkey Hill
*Promthep cape
* Bangala road (+18 only)
*Patong beach
*Paradise beach (200 baht)
*Freedom beach
*Karon beach
طبعا فيه اماكن وحاجات تانية كتير ممكن تزورها وده علي حسب عدد الايام اللي هتقضيها في بوكيت
وانت راجع للمطار بردو بتحجز من مكاتب السياحه تيكيت ب 200بات للمطار وبتحدد انت عاوز يجيلك الساعه كام مفيش داعي للتاكسي غالي جدا
