fbpx
الرئيسية / المسافرون العرب حول العالم / تروح فين في دهب بأي ميزانية وعاوز تقعد اسبوع عبقريه بجد
تروح فين في دهب
تروح فين في دهب بأي ميزانيه حتي لو معاك 1500 وحابب تعود اسبوع

تروح فين في دهب بأي ميزانية وعاوز تقعد اسبوع عبقريه بجد

تروح فين في دهب في ناس كتير بتسأل علي دهب وفي ناس بتروح و بترجع من غير ما تعرف يعني ايه دهب انا هنا هقولوكوا تعملوا اية في دهب و بأي ميزانيه حتي لو معاك 1500 وحابب تقعد أسبوع

قد يهمك: يعني اية دهب ⁦❤️⁩
قد يهمك: دهب جنة الله علي الارض اما تروح دهب لازم تعمل الحاجات دي

تروح فين في دهب

اول حاجه بتحجز سوبر جيت لو مش معاك عربيه شرق الدلتا او جو باص بس انا انصحك ب جو باص

لان شرق الدلتا الكماين ف الطريق بترخم عليه اكتر ممكن توصل في 12 ساعه التذكره سعرها بيبدأ من 150 ج

تاني حاجه لو ناوي تنزل ف فندق يبقي روح شرم الشيخ احسن ليك لان دهب مش بتاعة فنادق

لانك بكل بساطه مش هتعود في هتضطر تخرج كل يوم تاخود عربيه توديك المسبط اللي هيا وسط دهب

اللي هتعمل منها وتتحرك منها لكل الاماكن والفسح ف لو عامل حسابك علي اكل ف فندق مش هتعود في اصلا وبعدين كل الفنادق محدوفه بعيد

انا شايف ان لازم تعود ف كامب في وسط دهب علي البحر وبيكون بينك وبين الممشي 1 دقيقه

مش هتحتاج تركب حاجه .في كامبات سعرها غالي و كامبات رخيصه بس عموما سعر الغرفه بتبدأ من 200 دبل

يعني كل فرد 100 ف اليوم وللعائلات انصحهم ب nsima resort الغرفه ب250 ف اليوم دبل

تالت حاجه هتلاقي هناك مكتب هناك اسمو king safari في الممشي دا هيكون نقطه تحرك لكل مكان عشان متدوروش كتير ونصيحه فاصل معاه

أماكن السياحة في دهب

اول يوم لازم تبدأ بالبلوهول هتشوف منظر عمرك ف حياتك ما شوفت ولا هتشوف زيو ف العالم كلو غير هناك

ولو مش بتعرف تعوم البس لايف جاكت وانزل يا بطل هتتخض ف الاول لاكن بعد كدا هتلاقي نفسك مش عايز تطلع من الميه

في عربيه بتاخدك من عند مكتب السفاري بتوديك وبتاخود رقمو لما تخلص ترنلو يجيلك يرجعك البلو هول لو روحت 9 الصبح هترجع 4 العصر وعلي حسب دماغك بردو

لما بترجع بتكمل اليوم ف الممشي حيث الاستجمام معظم الكافيهات بتشغل شموع ومحافظين ان القعدات تكون بدائيه

عشان هي دي حلاوة دهب الاسعار ارخص من اي مكان ف مصر الحاجه بتنزلك متزوقه وتفتح النفس

في كافيه هناك اسمو فريندز عبقري و every day لو حابب تتصور هتلاقي كذا حاجه جو فيو تحفه للتصوير

ممكن بعد كدا تقسم ايامك حاول تعمل diving سعرها مش غالي 200 او 250 وتعمل سفاري ف الجبل وبين انك تطلع رحله بالجمل او المركب للبلو لاجون وابو جلوم

هتشوفو ف الصور الميه شبه الملديف ولازم تطلع تتعشي ف الجبل تشوف نقاء الجو وعدد رهيب من النجوم

او لو بتحب تصطاد ممكن تروح اللجونا تاخود مركب بسيط صغير جدا بس السمك رهيب وهتبقي انت والبحر والجبل بس

روحو دهب عبقريه بجد ❤ بس مش هوصيك حافظ علي الشعب المرجانية

شاهد أيضاً

السفر الى تایلاند

5 وجهات علیك زیارتها عند السفر الى تایلاند ، تعرف علیها!

السفر الى تایلاند ، تعرف علیها! تایلاند ، نعم هذا البلد الآسیوي الشرقي ، الذي …

السياحة الاستشفائية فى محافظة الفيوم

أماكن السياحة الاستشفائية فى محافظة الفيوم

السياحة الاستشفائية فى محافظة الفيوم تعتبر السياحة الاستشفائية فى محافظة الفيوم إحدى أنواع السياحة المهمة في …

السفر الي جمهورية أوزوبيس كما تلقب في العالم جمهورية الروقان

العيش والسفر الي أوزوبيس جمهورية الروقان بشرط تنسي همومك ومشاكلك

العيش والسفر الي أوزوبيس بالفيديو (فرصة لا تكرر) “جمهورية أوزوبيس” دلوقتي عايزة مواطنين جدد “جميع …