fbpx
الرئيسية / المسافرون العرب حول العالم / الهجرة الي استراليا أهم النقط وازاي تبدأ هجره استراليا
الهجرة الي استراليا
الهجرة الي استراليا تتلخص في وظيفه مطلوبه ,لغه ,معادله ,تجميع نقط هنشرحهم بالتفصيل

الهجرة الي استراليا أهم النقط وازاي تبدأ هجره استراليا

الهجرة الي استراليا – تابع قراءة المقال عن موضوع الهجره لاستراليا متشعب جدا هنحاول نتكلم علي أهم النقط وازاي تبدأ هجره استراليا بنظام النقط زي الجمعيه كدة بتفضل تحوش القرش علي القرش عشان في اخر الشهر تجمع مبلغ وتقبض الجمعيه

قد يهمك: السفر إلى أوكرانيا الدراسة ,الهجرة ,السياحة
قد يهمك: السفر الي النرويج الأفضل أوروبيا للعيش والعمل

الهجرة الي استراليا

عشان تهاجر استراليا لازم تعمل 4 حاجات :

1- يكون وظيفتك ومهنتك اللي بتشتغلها في مصر مطلوبه اصلا هناك في استراليا
2- تجمع الحد الادني من النقط عشان تفتح ملف علي موقع الهجره
3- تمتحن ايلتس عشان تثبت ان لغتك الانجلش قويه
4- تعادل شهادتك بتاعه مصر عشان تعرف تشتغل بيها في استراليا

الخلاصة (وظيفه مطلوبه + لغه + معادله + تجميع نقط)

طيب ايه المطلوب واحسب النقط بتاعتي ازاي وايه اقل حد من النقط عشان اهاجر ؟ لازم تكون مهنتك من المهن المطلوبة في استراليا

وانا ازاي اعرف مهنتي مطلوبه ؟ بتدخل الموقع دة وانت تعرف visa statistics work

طيب مهنتي مطلوبه وكله زي الفل اعمل ايه بقي ؟

تبدا تعرف تقسيمه النقط عشان تحسب انت هتجيب كام نقطه عشان تعرف تحسب النقط بتاعتك ادخل علي الموقع دة points calculator

نقط السن

لو سنك اقل من 54 تاخد 52 نقطة
35 تاخد 38 نقطة – لو سنك من 52
33 تاخد 52 نقطة – لو سنك من 33
44 تاخد 12 نقطة – لو سنك من 48
لو سنك اكبر من 44 تاخد صفر نقطة بشرط متعديش 28 سنه

نقط الشهادة

بكالريوس او اي شهادة اعلي منها واقل من الدكتوراه تاخد 12 نقطه
يعني لو بكالريوس او ماجستير تاخد 12 نقطه
لكن لو معاك دكتوراه تاخد 58 نقطه
لو معاك دبلوم تاخد 18 نقط

وهما بياخدوا اعلي شهادة ليك يعني لو معاك ماحستير ودكتوراه هياخدوا نقط الدكتوراه بس

ولازم تعادلها لانها غير معترفه بيها في استراليا والمعادلة بتكون اما تقييم او امتحان ودي بتفرق على حسب
الوظيفة بتاعتك

المعادله اسمها skill assessment ودي معادله تقييم للمهارات ومش اكاديمك بس زي بتاعه كندا يعني مش بس هتقيم للمؤهل لا كمان ل سنوات الخبره او امتحانات بتعملها الخ

طب افرض انا بشتغل في حاجه تانيه غير اللي درستها !!

يعني انا خريج طب اسنان لكن بشتغل عجلاتي اعمل ايه ساعتها ؟ واقيم الشهادة ازاي ؟ عادي، تقييم المؤهل لازم كده كده يتعمل عشان مش هتعرف تعمل بروفيل من غيره.

الوظيفه بقي انت بتقدم علي النوك اللي ليك خبره فيه بغض النظر عن المؤهل

يعني المؤهل بيتقيم وتاخد عليه نقط حسب هما حسبوه كام سنه، بالنسبه للوظيفه بتقدم علي نوك وظيفتك وتجيب
شهادة خبره تاخد عليها نقط حسب كام سنه

ولكن عشان محدش ينصب عليك ويعملك البحر طحينه استراليا بالذات لو التقييم للشهادة بعيد عن مؤهلك الاصلي اللي انت اتخرجت بيه بيقلل من نقطك جامد عكس كندا

نقط سنين الخبره

لو خبرتك 3 سنين تاخد 2 نقط
لو 2 ل 7 سنين تاخد 18 نقط
لو 0 سنين تاخد 12 نقطة
لو من 0 ل 18 سنين تاخد 58 نقطة

نقط اللغة

الامتحانات المعترف بيها في استراليا يأما ايلتس او بي تي اي

استراليا اقل اسكور بتقبله للايلتس 6666 في كل فرع مش توتال لو جبتهم مبتخدش ولا نقطه
لو جبت 7777 في كل فرع بتاخد 18 نقاط
لو جبت 0000 في كل فرع بتاخد 58 نقطة

نقط المرافق او الشريك

المتقدم الاساسي بياخد 2 نقط من الشريك لو الشريك وظيفته موجودة مع المتقدم الاساسي فى نفس القائمة ويقيم
شهاداته زيه بالظبط

ويكون الحد الادني من الايلتس هو 6666 ويسافر معاك

عشان تهاجر استراليا للعماله المهره عندك 3 انواع فيزا هما 138 و 103 و 403

اختيارك لنوع الفيزا بيديك نقاط

فيزا 103 مش هتاخد منها ولانقطة
فيزا 138 محتاجة ترشيح ولاية فعشان كدة بتديك 2 نقط
فيزا 403 بتديك 18 نقط

لو حسبت كل النقط دي ولقيت نفسك مجمع 68 نقطة تقدر تفتح بروفايل علي موقع الهجره وتهاجر دة الارضي بتاع اي مهنه باستثناء المحاسبه الارضي بتاعها 62 وساعات 78 حسب العرض والطلب

قد يهمك: السفر الي الأوروغواي للعيش والعمل مميزات وعيوب (تجربة شخصية)
قد يهمك: السفر الي سلطنة بروناى للعيش والعمل (تجربة شخصية)

كم التكلفة ؟

لو فرد لوحدة بطوله من 188 ل 158 الف جنيه
لو فرد وزوجته وطفلين حوالي 528 الف جنيه

ودول بدون اي وسيط او مكتب سمسره انت بتدفعهم اصلا لاداره الهجره والخارجيه الاستراليه

طب انا دفعت كل دة وامتحنت انجلش وعادلت شهادة وخلاص خدت الفيزا وسافرت هروح هناك هلاقي شغل ؟

بص انت في استراليا عكس كندا في استراليا انت بتكون عامل معادله يعني تقدر تروح تشتغل فورا في مهنتك ولكن في عقبه كبيره هتقابلك الي اسمها local experience

ان صاحب العمل الاسترالي هيفضل انه يجيب حد عنده خبره في البلد احسن من اللي لسه جاي جديد في نظام البلد ونظام الشغل

وساعتها عشان تفهم البلد ف الاول بتشتغل حاجه اسمها survival jobs اللي هي اوبر – كاشير – كول سنتر – مطعم وهكذا عشان تكفي مصاريفك وتظبط وضعك في اول 6 شهور

طيب برضو معرفتش بعد ال 6 شهور هعمل ايه ؟

هتبدا تعرض نفسك علي الشركات ف التخصص بتاعك باقل اقل اقل الاسعار عشان تاخدهم كوبري فقط انه يبقي
معاك local experience في مجالك وبعدين بعد ما تبقي خبره تبدا تفرض شروطك عليهم

هتعمل 4 خطوات كمان

1- خطوة expression of interest اللي هي EOI

وده انت بتعمله اون لاين على موقع الهجره في الفيزا اللي انت اختارتها عشان الحكومه الاستراليه تبعتلك دعوة

والمدة اللي هتنتظرها عشان تاخد الدعوة بتكون حسب انت مكمل نقطك ولا مش مكملها وحسب نقطك قد ايه

2= بترفع كل الورق بعد ما تكون ظبطه بكل الصيغ اللي هما محددينها و وثقته فى EOI

3- خطوة مراجعه اوراقك كامله من ال Case officer المسؤل عنك عشان لو في حاجه ناقصه تعملها

4- تعمل الكشف الطبى والفيش وتاخد الجرانت بعديها الكشف بتعمله في مستشفيات هما محددينها

والفيش لازم تعمله من اى دوله قعدت فيها اكتر من 6 شهور وبيكون صالح لمده سنه وبعد كدة يبقي معاك الجرانت والفيزا والاقامه الدائمه لمدة 2 سنين في استراليا

اسئله سريعه حول الهجرة الي استراليا

في هجره لاستراليا من غير لغه ؟ مفيش
مينفعش اعمل معادله لما اروح هناك واسافر ؟ مينفعش لازم تعملها من مصر
ينفع اهاجر وانا صفر خبره ولسه متخرج ؟ ينفع بس تفشخ نفسك في الايلتس
ينفع اخد اقامه استراليا واروح بيها نيوزيلاندا ؟ ينفع طبعا وتشتغل بيها كمان
لازم اروح استراليا فورا بعد ما خدت الفيزا ؟؟ لازم تروح في خلال سنه من حصولك عليها
المدة اللي اخدها عشان اهاجر قد ايه ؟؟ لو كل حاجه جاهزة تاخد 6 شهور .. لو مش جاهزة تاخد سنه ونص او سنتين

شاهد أيضاً

السفر الى تایلاند

5 وجهات علیك زیارتها عند السفر الى تایلاند ، تعرف علیها!

السفر الى تایلاند ، تعرف علیها! تایلاند ، نعم هذا البلد الآسیوي الشرقي ، الذي …

السياحة الاستشفائية فى محافظة الفيوم

أماكن السياحة الاستشفائية فى محافظة الفيوم

السياحة الاستشفائية فى محافظة الفيوم تعتبر السياحة الاستشفائية فى محافظة الفيوم إحدى أنواع السياحة المهمة في …

السفر الي جمهورية أوزوبيس كما تلقب في العالم جمهورية الروقان

العيش والسفر الي أوزوبيس جمهورية الروقان بشرط تنسي همومك ومشاكلك

العيش والسفر الي أوزوبيس بالفيديو (فرصة لا تكرر) “جمهورية أوزوبيس” دلوقتي عايزة مواطنين جدد “جميع …