fbpx
الرئيسية / المسافرون العرب حول العالم / السياحة في الجزائر تنوع في العادات والتقاليد
السياحة في الجزائر
السياحة في الجزائر تنوع في العادات والتقاليد من أطيب الشعوب

السياحة في الجزائر تنوع في العادات والتقاليد

السياحة في الجزائر اللى مسافرش الجزائر بلد جميلة ورائعة بمعنى الكلمة ومن الحاجات اللى لاحظتها هناك تنوع العادات والتقاليد بين الولايات جميعا يعنى الغرب غير الوسط غير الجنوب غير الشرق لبسهم التقليدى مختلف فى المناسبات وكل ولاية طبعا وليها اللى بيميزها.

طرق الحصول علي تأشيرات بلاد المغرب العربي المغرب ,تونس ,الجزائر

السياحة في الجزائر

الناس اللى بتتكلم عن الحساسيات اللى بين الشعوب الكلام دا غلط وملوش اساس.

الشعب الجزائرى من أطيب شعوب الأرض وكريم وجدع كل ما تيجى سيرة مصر بصراحة مبسمعش الا كل خير عرفت ناس هناك بتحب عادل امام وعبد الحليم

الأكل في الجزائر

الجزائر بلد بتتميز بتنوع الأكلات اللى عاوز اكل شعبى زى الفول والطعمية كدا عندنا فى أكلة أسمها الكارانتيتا ودى تاكلها بقا من عند يحيى الزبادى فى العاصمة.

شوربة الحريرة ,الكسكس ,خبز الكسرة ,البوراك ,البركوكس لحم الحلو أكتر أكلة هزت مشاعرى بصراحة هى الرشتا حاجة كدا عاملة زى المبروم عندنا.

السفر الي المغرب أفضل برنامج لزيارة المغرب في 9 أيام من القاهرة

السفر الي الجزائر

السياحة انا عجبنى جدا ولاية بجاية فى اتجاه الشرق من العاصمة وخصوصا قمة جبل ياما قورايا

تقزرت مدينة فى ولاية تيزى وزو (الولاية اللى بيلعب فيها فريق شبيبة القبائل) بلد صغيرة وهادية وجميلة على البحر

لازم تروح جبل الشريعة فى البليدة دا حكاية تانية بالغابات والمحميات الطبيعية اللى فيه والتلج اللى بيغطى قمته بجد روعة

الباهية وهران , كورنيش البحر والسهر زى مصر بالظبط

قسنطينة بلد الجسور المعلقة ومسجد الأمير عبد القادر

تلمسان فى الغرب الجزائرى وقريبة جدا جدا من المغرب

بغض النظر على الأماكن السياحية اكثر حاجة عجبتني في الجزائر إنهم طيبين لأقصى درجة

ولما يعرفو إنك غريب وبتشترى حاجه مبيستغلكش وياخد منك فلوس أكتر وياخذ فقط السعر الحقيقي

مشكلة رغم وجود أماكن طبيعية وآثار تاريخية فى الجزائر ، تمكنها من منافسة كبرى الدول السياحية

إلا أن السياحة الجزائرية مازال قدامها كتير من التطوير علشان تبقى فى مكانها الطبيعى ومع ذلك الأماكن السياحية مش العامل الوحيد لجلب السياح.

أخلاق الشعب من عوامل نجاح السياحة ، أوقات بتزور بلاد في غاية الجمال لكن تعامل الناس معاك يخليك تقرر مترجعش والعكس صحيح

أنا عارف انى متكلمتش على جزء صغير من الجزائر بس إن شاء الله يبقا فى زيارات جاية

المصدر: سياحة الجزائر

شاهد أيضاً

أجمل المعالم السياحية في ماربيلا

جولة ممتعة بين أحضان أجمل المعالم السياحية في ماربيلا

جولة ممتعة بين أحضان أجمل المعالم السياحية في ماربيلا تتمتع مدينة ماربيا ( ماربيلا ) …

نصائح تنظيف المنزل من شركة

نصائح تنظيف المنزل من شركة تنظيف دبي

نصائح تنظيف المنزل من شركة تنظيف دبي الكل يكره أن ينظف ولكن الجميع يحب البيت النظيف …

تنظيف منزلك في دبي

تنظيف منزلك في دبي نصائح من شركة تنظيف محترفة

تنظيف منزلك في دبي نصائح من شركة تنظيف محترفة اقترب موسم الصيف! بالنسبة للكثيرين في …