fbpx
الرئيسية / السياحة علم وصناعة / السفر لتركيا مع الاطفال – تجربة شخصية مع الكيدز لتركيا
السفر لتركيا مع الاطفال - تجربة شخضية مع الكيدز لتركيا
السفر لتركيا مع الاطفال - تجربة شخضية مع الكيدز لتركيا

السفر لتركيا مع الاطفال – تجربة شخصية مع الكيدز لتركيا

السفر لتركيا مع الاطفال تجربتي مع الكيدز لتركيا كانت من أحلى التجارب ليا وحابة أقول للماميز اللي نفسهم يسافروا ومترددين بسبب الكيدز اتكلوا ع الله وسافروا لأنهم هيستمتعوا أكتر منكوا والله أنا سافرت برضيع وطفل 4 سنين 11 يوم ف بداية شهر 5 والوضع كان تحت السيطرة

قد يهمك: نصائح لو ناوي تسافر تركيا
قد يهمك: السفر إلي إسطنبول برنامج 10 أيام غني بالتفاصيل السياحية

السفر لتركيا مع الاطفال

بدأت أخطط للرحلة من 5 شهور وحابة اشكر اللي سافروا تركيا وفادونا بتجاربهم حسبت حسبتي وظبطت ميزانيتي

قرأت عن البلد كتير سواء من خلال البوستات او اليوتيوب رتبت البرنامج من خلال شركة بما اني اول مرة و معايا اسرة

حجزت ف فندق اسمه VIVA DELUXE موقعه فنان جامع بين منطقة السلطان احمد ومحطه الترام وقريب من كل حاجة

قدمت ع الفيزا قبل السفر بشهر بالنسبة للكيدز قدمت أونلاين ومفيش أسهل من كدا بتطلع ف 3 دقايق

سافرنا ع طيران الامارات والوضع كان بيس رغم ان الاونلاين فيزا بيشطروا السفر ع بيجاسوس ايرلاين او التركية او مصر للطيران

خطأ معملتش حسابي عليه اني مكنش معايا كوينز (عملة معدنيه) لأنكوا هتحتاجوها ف المطار عشان ترولي الشنط مش مجاني ب 1 ليرا

وللأسف محدش ساعدنا خالص من اللي شغالين هناك ف خلوا بالكوا واعملوا حسابكوا

روحنا بورصا وشوفنا الشجرة المعمرة روحنا سبانجا ومعشوقية ودي من الاماكن اللي لو زورتوها اكتر من مرة مش هتندموا او تزهقوا بجد حاجة فوق الوصف

ولازم تجربوا هناك ال ZIP LINE وتعملوا سفاري للجبل روعة عملنا سهرة البسفور ع سفينة فخيمة وكانت حاجة لطيفة وممتعة

اعرف قواعد السفر مع طفلك الصغير

روحنا جزيرة الأميرات وركبنا الحنطور واتحنطرنا وكل اللي سبق كان من خلال شركة سياحة بالمناسبة مكاتب السياحة اللي بتعمل البرامج مليانة وف كل حته ف اسطنبول ف متقلقوش

عملت كارت اسطنبول ودا اختراع يا كوتش وبجد بيوفر ف الوقت والفلوس ابدا ما استخدمناش التاكسي عشان الاستغلال

روحنا منطقة السلطان احمد بس نصيحة للي معاه اطفال ميقفش ف طوابير ايا صوفيا وقصر توب كابي لأنها طويييلة والكيدز هيزهقوا انا زورتهم مع نفسي

وماما والكيدز وديتهم جولهانة بارك ف نفس المنطقة جربنا مطعم السلطان احمد كفتجي اقدم مطعم كباب ف المنطقة وعليه اقبال رهيب من كل الجنسيات

روحنا منطقة اورتاكوي ودخلنا مسجد اورتاكوي منطقة جميلة جدا وممتعة للكل ومشهورة بالكومبير والوافلز والشاورما والميديا ( محار محشي رز ) لازم تجربوهم

روحنا منطقة اوسكودار اللي فيها برج الفتاة وفيها كافيهات ع البحر منطقة روعة ودي بتروحولها بعبارة من محطة امينونو

روحنا ميدان تقسيم وشارع الاستقلال المشهور ع قد ما هو طويل ع قد ما هو ممتع ومتزهقوش منه

وفيه متحف الشمع تذكرته ب 56 ليرا واخر الشارع الطويل دا برج جلاطة

تركيا بلد جميلة وأبدا محسناش بغربة لأن طول الوقت بتشوفوا عرب الأتراك زيهم زي اي شعب ف العالم في الحلو وفيه الوحش

متعرضناش لأي محاولة سرقة الحمدلله الأمن كان مستتب الجو كان خرافي بس متقلب شمس برد رعد مطر كله ف وقت واحد تووحفة

بالنسبة للأسعار ف متناول الجميع مش غالية الشوبينج انا اكتفيت بشارع الاستقلال

البرنامج اللي كنت عاملاه يمكن حد يحب يستفاد

بالنسبة للتكلفة والميزانيه بتفرق من شخص للتاني واحد ممكن يصرف 2000 واحد ممكن يصرف 20000

وبما اني مقيمة برة مصر ف البرنامج كلفني تقريبا 8000 درهم بكل حاجة وقعدت احوشله والله

السياحة في تركيا

شاهد أيضاً

السياحة في الرياض

السياحة في الرياض التحلية والعليا

السياحة في الرياض – الرياض يعني التحلية والعليا وممشي الملك عبد الله اللي كان عايش …

السياحة الي إمارة موناكو

السياحة الي إمارة موناكو ان لم تكن من الأثرياء فلا تفكر في الإقامة بها

السياحة الي إمارة موناكو – نقلة كبيرة في مستوي الرفاهية تشعر بها في انتقالك بالسيارة …

السفر الي سريناجار

السفر الي سريناجار جنة الله على الارض – تقرير مسافرة

السفر الي سريناجار – سريناجار Srinagar العاصمة الصيفية لإقليم كشمير وجامو الذي يقع في الشمال …