fbpx
الرئيسية / المسافرون العرب حول العالم / افضل طرق السفر الي كوريا الجنوبية للسياحة
السفر الي كوريا الجنوبية للسياحة
السفر الي كوريا الجنوبية للسياحة بطريقه مضمونه

افضل طرق السفر الي كوريا الجنوبية للسياحة

السفر الي كوريا الجنوبية – ازاي تسافر كوريا الجنوبيه للسياحه بطريقه مضمونه مبدأيا 33 % من بنات مصر عايزين يروحوا يتفسحوا ف كوريا أكاد اجزم ان من بين كل 2 بنات قاعدين مع بعض بيبقي فيه واحدة من الخمسة علي الأقل عايزة تروح كوريا

قد يهمك: السياحة في ماليزيا وردة القارة الاسيوية
قد يهمك: السفر الي النرويج الأفضل أوروبيا للعيش والعمل

دة ان مكانش الخمسه كلهم يعني لدرجه في بنات تقولك انا مروحش امريكا بس اروح كوريا بنات تجنن ما علينا

السفر الي كوريا الجنوبية

المهم في طريقتين للسفر لكوريا الجنوبيه

الطريقه الاولي

انك تقطع تذكره طيرانك وتسافر فورا في اتفاق بين حكومة مصر وحكومة كوريا الجنوبية عشان يطبقوا مبدأ ” المعاملة بالمثل”

وان رعايا الدولتين يدخلوا مجانا بتأشيرة عند الوصول لمدة 38 يوم طبعا فكك من الحوار دة لانك مش هتدخل الا بمعجزة

وغالبا هترجع من المطار لان أي مصري حاليا بيدخل كوريا بيكون مشتبه فيه انه رايح يا يكسر فيزا يا يقدم لجوء

يعني مصري واحد بس بيدخل كوريا ما بين كل 58 مصري في الشهر

عشان تضمن انك تدخل ومترجعش من المطار وتدخل تتفسح في كوريا لازم تحصل علي تأشيرة من السفارة

لو روحت السفاره و قولتلهم انا عايز فيزا للكوريا هيقولولك مفيش فيز سياحة لان الفيزا مجانا بتاخدها من المطار عند الوصول لمدة 38 يوم

الطريقه التانيه والوحيدة للحصول علي فيزا

من السفاره انك تكون عايز تقعد في كوريا مدة طويله اكثر من 38 يوم دي الحاله الوحيدة اللي بيسمحوا انهم يدولك فيزا من السفاره

ايه المتطلبات

ركز معايا لان المتطلبات هنا مختلفه تماما عن اي سفاره تانيه

باسبور ساري صالح علي الاقل لمدة سنه كامله مش لاخر 6 شهور

صورة شخصيه واحدة

حجز طيران ذهاب وعودة مؤكد (مؤكد ومدفوع)

حجز فنادق مدفوعه ومؤكدة (مؤكدة ومدفوعه)

كشف حساب لاخر 6 شهور يكون فيه اقل رقم 18 الاف دولار أيوة الرقم صح 18 الف دولار اقل حاجه يعني 588 الف جنيه مصري اقل حاجه

ولازم يكون فيه حركه سحب وايداع كبيرة اسبوعيه تقريبا .. ايوا اسبوعيه تقريبا
.
اتش ار ليتر لو انت بتشتغل ويكون انجلش شهادة قيد لو انت لسه طالب ويكون انجلش

ترافل بلان للاماكن اللي هتقعدها هناك وللايام اللي هتقعدها هناك

رسوم الفيزا 28 دولار لو سنجل و 80 دولار لو مالتي

لو انت معاك الفيزا دي بنسبه كبيرة جدا جدا هتدخل ومش هيتعمل معاك انترفيو في المطار زي ما بيتعمل مع اللي بيروحوا بدون فيزا

ليه الطريقه دي مضمونه وهتدخل بنسبه كبيرة جدا

لان من الاخر مفيش حد شحات او مش لاقي ياكل في مصر ورايح عشان يكسر فيزا ويشتغل هناك

هيكون معاه 588 الف جنيه او اكثر وبيعمل عليهم حركات سحب وايداع كبيرة جدا اسبوعيه

هما عارفين ان اللي معاه المبالغ دي وهيحجز الحجوزات المؤكدة دي اقل تذكره طيران حاليا ب 11 الف جنيه لكوريا

وهيدفع كل المبالغ دي مش هيضحي بيها عشان يروح يكسر فيزا

يعني بشروط الفيزا الجديدة دي من السفاره تكون فيزا امريكا نفسها اسهل من فيزا كوريا يعني اللي هيروح كوريا بفيزا من السفاره هيبقي من الصفوة من الاخر

دي الطريقه الوحيدة المضمونه لدخول كوريا انك تبقي من الصفوة

المصدر visit korea

شاهد أيضاً

السياحة الاستشفائية فى محافظة الفيوم

أماكن السياحة الاستشفائية فى محافظة الفيوم

السياحة الاستشفائية فى محافظة الفيوم تعتبر السياحة الاستشفائية فى محافظة الفيوم إحدى أنواع السياحة المهمة في …

السفر الي جمهورية أوزوبيس كما تلقب في العالم جمهورية الروقان

العيش والسفر الي أوزوبيس جمهورية الروقان بشرط تنسي همومك ومشاكلك

العيش والسفر الي أوزوبيس بالفيديو (فرصة لا تكرر) “جمهورية أوزوبيس” دلوقتي عايزة مواطنين جدد “جميع …

ازاي تسافر تركيا من غير تصريح أمني

ازاي تسافر تركيا من غير تصريح أمني وشروط الفيزا الالكترونية

ازاي تسافر تركيا من غير تصريح أمني ليه تسافر تركيا مش اي دولة تانية مثلا …