fbpx
الرئيسية / المسافرون العرب حول العالم / السفر الي قارة أسيا السياحة في بلاد جنوب – شرق – جنوب شرق اسيا
السفر الي قارة أسيا
السفر الي قارة أسيا السياحة في بلاد (جنوب ,شرق ,جنوب شرق اسيا)

السفر الي قارة أسيا السياحة في بلاد جنوب – شرق – جنوب شرق اسيا

السفر الي قارة أسيا عايز تسافر سياحه لدول قارة أسيا ؟ هنتعرف علي اجراءات الفيزا السياحيه لكل بلاد قاره اسيا السياحية ومتطلبات السفر في كل بلد ناس كتير متعرفش اجراءات الفيزا لبلاد ( جنوب – شرق – جنوب شرق اسيا )

قد يهمك: السياحة في تايلاند بين الجمال والخيال
قد يهمك: السياحة في ماليزيا وردة القارة الاسيوية

السفر الي قارة أسيا

هنحاول قدر الامكان ان يكون هذا المقال مرجع ليكم في اجراءات السفر لاي بلد سياحيه في الجنوب الشرقي والجزء الشرقي والجنوبي من اسيا

هنقسمهم ل 4 انواع من البلاد

أولا : بلاد بدون فيزا للمصريين

ماليزيا واندونيسيا بدون فيزا للمصريين

وبتحصل علي ختم عند الوصول ب 90 يوم اقامه في ماليزيا .. وب 30 يوم اقامه في اندونيسيا

ولكن لو هتسافر من مصر بيكون ليهم تصريح امني من مجمع التحرير .. والتصريح بيكون مطلوب للطلبه والحاصيلن علي مؤهل متوسط فقط وعشان تعمل التصريح الامني لازم فيزا من السفاره

الا لو هتروح في جروب سياحي ساعتها مش هتحتاج اي تصريح امني حتي لو طالب وعن تجارب حقيقيه

هونج كونج وجزيره مكاو بدون فيزا للمصريين

وفي المطار هناك بتحصل علي ورقه خارجيه بتدخل بيها بدون اي اختام علي الباسبور وبيحق لك الاقامه فيها مجانا لمدة 90 يوم

ولكن لازم يكون معاك حجز فندق مؤكد و تذكره عودة مؤكدة وكاش دولارات عشان تدخل حاليا لان فيه تدقيق كبير حاليا في الدخول وبيحصل ترحيل كبير لناس كتير من جنسيات عربيه كتيره

كوريا الجنوبيه بدون فيزا للمصريين

ولما بتوصل المطار هناك بتحصل علي ختم دخول لمدة 30 يوم اقامه

ولكن ليها تصريح امني لو هتسافر من مصر للطلبه والحاصلين علي مؤهل متوسط فقط

لازم يكون معاك تذكره عودة مؤكدة و حجز فندق مؤكد وكاش دولارات و ID شركه اللي شغال فيها أو اتش ار ليتر منهم وتكون عارف هتزور ايه في كوريا وعامل ترافل بلان كويس وبتتكلم انجلش كويس عشان هيتعمل معاك انترفيو في المطار

جزر المالديفز

لازم يكون معاك باسبور ساري صالح ل 6 شهور .. حجز فندق مؤكد .. حجز تذكره عودة ..

في المطار هاتوريلهم باسبورك وحجز الفندق بتاعك علي موبايل أو مطبوع .. هايدولك تأشيره دخول لمدة 30 يوم سنجل انتري
ملحوظه مهمه جدا

في كل البلاد اللي من غير فيزا لازم يكون باسبورك ساري وصالح لمدة متقلش عن 6 شهور باقيين والا مش هتخرج من مطار القاهرة اصلا ..

ثانيا : بلاد بفيزا عند الوصول مع دفع رسوم

كمبوديا

فيزا كمبوديا بتتاخد من مطار بنوم بن العاصمة عند الوصول ب 35 دولار فقط .. وبتاخد ختم دخول لمدة 30 يوم اقامه فقط

بتملي 3 استمارات يا بيوزعوها في الطياره اللي رايحه لهناك يا بتبقي في الجيت لو رايح من ماليزيا او تايلاند او اندونيسيا
ولازم يكون معاك صورتين و تذكرة عودة مؤكدة و حجز فندق مؤكد

لاوس : ( بلد في شرق اسيا علي حدود فيتنام )

بتاخد الفيزا عند الوصول ب 30 دولار في مطار العاصمه فنتيان هناك وبتتحط علي الباسبور

نيبال

فيزتها عند الوصول للمصريين. هتلاقي ماكينات مخصصه لكدة في مطار الوصول هتحط باسبورك علي الشاشه عشان يعمل سكان للبيانات وبتكمل انت البيانات الباقيه بأيدك وتدوس OK عشان تطلعلك ورقه تاخدها وبعدين تدفع رسوم الفيزا 25 دولار

النوع التالت : تأشيرة الكترونيه ( اونلاين ) :

فيتنام التأشيره الكترونيه اونلاين

بتملي ابليكاشن اونلاين ( يا تملاه بنفسك .. يا شركه سياحه تعملهولك ) من علي الموقع ده http://vietnam-visa.com/

وبتدفع رسوم ابلكيشن 15 دولار و بتجيلك الموافقه علي الايميل تطبعها وتطلع بيها علي المطار و بعد متوصل المطار بتدفع رسوم الفيزا 25 دولار .. وخلي بالك لازم يكون معاك صورتين شخصيتين

سيريلانكا التأشيرة الكترونيه اونلاين

وبتدفع رسوم الفيزا 25 دولار وبتطلع الفيزا خلال 24 ساعه

سنغافورة الفيزا الكترونيه اونلاين

بتملي البيانات والابلكيشن من الموقع ده singapore visa وبعدها تدفع رسوم الفيزا 85 دولار وبتوصلك الفيزا بعد 8 ايام عمل كامله
ولازم يكون معاك حجز فندق و تذكره عودة عشان ميغلسوش عليك في المطار هناك

تايوان ملهمش سفاره في مصر لكن ليهم سفاره في الاردن

عندك اتنين اوبشن عشان تاخد فيزتها

اول اوبشن انك تروح للمكتب التمثيلي بتاعهم في سيتي ستارز وتاخد تأشيرة بيزنس

تاني اوبشن انك تروح هونج كونج ومن هناك بتعملها اونلاين .. بتاخد يوم عمل واحد أو 3 ايام عمل حسب الظروف وقتها .. ممكن تطلع في نفس اليوم أو تطلع بعد 3 ايام

بلاد بفيزا مُسبقه من السفاره في مصر

عشان بس منكررش الكلام والناس تزهق .. معظم السفارات للبلاد السهله الورق المطلوب ليها بيكون متكرر ومعروف

عشان كدة هكتب الاول الورق العام المتكرر ده عشان تحت في التفاصيل لما اكتب كلمه ” الورق العام ” تبقي خلاص عرفت انا بتكلم عن ايه بدون تكرار

الورق العام لاي فيزا في اي سفاره سهله

1- كشف حساب بنكي لاخر 6 شهور مع حركه سحب وايداع

2- اتش ار ليتر من شغلك لو موظف .. شهادة قيد لو طالب .. سجل تجاري لو صاحب عمل

3- حجز فندق مبدئي

4- حجز طيران مبدئي

5- باسبور ساري صالح لمدة 6 شهور او اكثر ويكون فيه صفحتين فاضيين و صورة منه

6- صورتين 4 في 6 وتكون صور حديثه بخلفيه بيضاء

7- ابلكيشن الفيزا بتملاه من موقع السفاره وبعدين تطبعه

1- تايلاند : لازم تاخد فيزا من السفاره

الورق العام + الشرط الوحيد ان كشف الحساب ميقلش عن 10 الاف جنيه ابدا وبتتاخد في 3 ايام عمل و رسوم الفيزا 700 جنيه وبتطلع ب صلاحيه 3 شهور و اقامه شهر ..

تايلاند ليها تصريح امني لو هتسافر من مصر للطلبه والحاصلين علي مؤهل متوسط فقط .. الا لو هتروح في جروب سياحي ساعتها مش هتحتاج اي تصريح امني حتي لو طالب وعن تجارب حقيقيه

2- الصين : لازم فيزا من السفاره

والفيزا يا بتطلعها من اي شركه سياحه .. يا بتعملها لوحدك

الورق العام + الاختلاف هنا 4 صور شخصيه بدل صورتين

رسوم الفيزا 530 جنيه دخول مرة واحدة .. 790 جنيه لو دخول مرتين .. 1050 جنيه لو صلاحيه 6 شهور .. و 1580 لو صلاحيه لمدة سنه

بتطلع في حوالي من اسبوع ل 10 ايام عمل .. ولو عايزها مستعجل بتدفع 750 جنيه وبتطلع في 3 ايام ..

3- الهند : لازم فيزا من السفاره

الورق العام + رسوم الفيزا 2030 جنيه مصري

تطبع الابليكشن و تاخده معاك للسفاره مع باقي الورق المطلوب وتروح السفاره في شارع عزيز أباظة في الزمالك جنب فندق ام كلثوم ومش محتاج اي ميعاد مُسبق .. روح في اي يوم ..

والفيزا بتطلع بعد 24 ساعه .. بتطلع يا صلاحيه 3 شهور يا صلاحيه 6 شهور ..

4- اليابان : لازم فيزا من السفاره

الورق العام + لازم تعمل جدول رحله في اليابان بالاماكن اللي هتزورها بالكامل في اليابان ودة شرط اساسي من شروط الفيزا

بتطلع في 4 أيام عمل وبتطلع علي قد الأيام اللي طلبطها وسعات بيزودوا شويه أيام وساعات لأ .. رسوم الفيزا مبتدفعهاش الا بعد ما الفيزا تطلع .. كانت ب 200 جنيه قبل التعويم مش عارف حاليا بقت كام بالظبط بس اكيد بقت الضعف ..

5- الفلبين : لازم فيزا من السفاره

الورق العام + الاختلاف في حاجتين :

– عايزين 3000 دولار او ما يعادلهم شرط اساسي يكونوا موجودين في حسابك وقت التقديم و ينفع تستلفهم عادي وتحطهم في حسابك وتقدم وبعد كدة تسحبهم تاني عادي

– عايزين حجز طيران مؤكد ومدفوع بالكامل

بتاخد 5 ايام عمل بدون احتساب ايام الاجازات .. الفيزا بتطلع صلاحيتها 3 شهور و اقامه شهر واحد فقط سنجل انتري .. رسوم الفيزا 40 يورو أو ما يعادلهم بالمصري

6- سلطنه بروناي لازم فيزا من السفاره

الورق العام + بيشترط حجز مؤكد للطيران ذهاب وعودة

رسوم الفيزا 20 دولار بروني أو ما يعادلهم بالمصري يعني حوالي 250 جنيه .. الفيزا بتاخد 14 يوم عمل و بتطلع بصلاحيه 20 يوم فقط و اقامه علي قد مدة السفريه اللي هتكتبها في الابلكيشن

السفاره موجودة في 23-أ، برج سراي السلطان، شارع محمد مظهر، الزمالك، القاهرة (السفر الي سلطنة بروناى للعيش والعمل (تجربة شخصية))

شاهد أيضاً

السفر الى تایلاند

5 وجهات علیك زیارتها عند السفر الى تایلاند ، تعرف علیها!

السفر الى تایلاند ، تعرف علیها! تایلاند ، نعم هذا البلد الآسیوي الشرقي ، الذي …

السياحة الاستشفائية فى محافظة الفيوم

أماكن السياحة الاستشفائية فى محافظة الفيوم

السياحة الاستشفائية فى محافظة الفيوم تعتبر السياحة الاستشفائية فى محافظة الفيوم إحدى أنواع السياحة المهمة في …

السفر الي جمهورية أوزوبيس كما تلقب في العالم جمهورية الروقان

العيش والسفر الي أوزوبيس جمهورية الروقان بشرط تنسي همومك ومشاكلك

العيش والسفر الي أوزوبيس بالفيديو (فرصة لا تكرر) “جمهورية أوزوبيس” دلوقتي عايزة مواطنين جدد “جميع …