fbpx
الرئيسية / السياحة معالم وأماكن / السفر الي سانتوريني Santorini هني مون او سياحة (تجربة شخصية)
السفر الي سانتوريني
السفر الي سانتوريني Santorini هني مون او جولة سياحية

السفر الي سانتوريني Santorini هني مون او سياحة (تجربة شخصية)

السفر الي سانتوريني Santorini – معظم الناس نفسها تسافر Santorini بس مشكلتها انها ممكن تكون اغلى من اماكن تانية من ناحية الطيران و الاقامة انا عايز اشاركم خبرتى للسفر لسانتورينى معاكم بـ Budget معقولة و ممكن تنفع سواء كشهر عسل او ضمن جولة سياحية فى أوروبا

السفر الي سانتوريني Santorini

الطيران الي سانتوريني

الطيران Direct لسانتورنى اول حاجة بتفقلك منها هنلاقى اسعار غالية جداً من اى مطار جوه مصر

و هيا دى اول حاجة لازم تفكر فيها بشكل مختلف, الفكرة الاوفر هيا انك تطلع اثينا Athens من مطار القاهرة او مطار برج العرب

أفضل أماكن السياحة لشهر العسل في العالم

سعر التذكرة رايح / راجع ممكن تلاقيه فى حدود 3000 او اقل من كده ساعات من برج العرب ولو هتاخد سانتورينى و اثينا ضمن جولة اوروبية و هتروح رايح بس هتلاقيها اقل من كده برضه

لما توصل Athens قدامك حاجة من 2 اما تقضى يوم هناك و بعد كده تطلع سانتورينى أو تطلع على هناك على طول مش هيفوتك كتير

عموما Athens كبيرها اوى يوم واحد تلفها كلها, اشهر حاجة هناك هيا Acropolis غير كده هيا شبة اسكندرية جداً

https://www.youtube.com/watch?v=agta8vPNJKE

تحجز ايه بقى من Athens لــ Santorini ؟؟ اقولك انا

انسى موضوع الطيران, هقولك على حاجة تانية هتقضى 6 ساعات عمرك ما هتنساهم, و هيا الــ Ferry

دة باخرة كبيرة من 5 لـ 8 أدوار هتاخدك من اثينا لسانتوريينى فى البحر وهتتفرج على احلى مناظر واحلى جو على سطح المركب

و هيا فيها كل حاجة تقدر تحجز كرسى عادى او حتى غرفة لو عايز تنام بس مش هتقدر تقاوم انك تقعد على Deck تستمتع بالرحلة

نيجى بقى للاقامة, طبعاً لما تدخل على Booking هتتصدم بالاسعار سانتورينى فيها اهم واشهر منطقتين هما Oia و Fira

ودول هنبعد عنهم خالص, انا شخصيا اجرت شالية محترم جداً بسعر حوالى 1000 جنية فى الليلة فى منطقة اسمها Baxedes ( وده سعر رخيص جداً مقارنة باسعار هناك )

باقى الاماكن دى بعيد حوالى10 دقايق من OIA و FIRA لان سانتورينى كلها صغيرة جداً

وعموما فيه مواصلات عامة تقدر تاخدها او تتمشى بس اوعى تاخد تاكسى التاكسى المشوار ب 40 يورو لاى حته
او ممكن تاجر عربية او Beach Buggy اسعارهم من غالية

اخر حاجة ازاى ترجع من سانتورينى, بص يا سيدى حاجة من 3

طبعاً لو انت هتروح على بلد تانية هتلاقى طيران بسعر كويس معظمه لايطاليا و خصوصاً Verona (طيران Volotea)

لو راجع مصر يبقى هترجع زى ما جيت بال Ferry او تدور انت و حظك لو لقيت One way لمص بسعر كويس

او تمد الرحلة بتاعتك وتكمل استكشاف باقى جزر اليونان اللى هما كتير جداً و اشهرهم بعد سانتورينى Paros و Mykonos

شاهد أيضاً

أفضل الاماكن السياحيه فى الصين

أفضل الاماكن السياحيه فى الصين يمكنك زيارتها

أفضل الاماكن السياحيه فى الصين يمكنك زيارتها – تعتبر الصين من أكثر الاماكن الجاذبه للسياح …

تعرف على برنامج كلين 9 وكافة منتجات أفضل نظام تخسيس وكيف يتم الشراء

تعرف على برنامج كلين 9 وكافة منتجات أفضل نظام تخسيس وكيف يتم الشراء

مقدمة عن ما هو برنامج كلين 9 – نتعرف اليوم عن البرنامج الأكثر إنتشارا في …

أفضل 7 شواطئ فى العالم

أفضل 7 شواطئ فى العالم

أفضل 7 شواطئ في العالم – عندما يأتي الصيف يبدأ الجميع في البحث عن أفضل …