fbpx
الرئيسية / المسافرون العرب حول العالم / السفر الي روسيا للسياحة خطوات السفارة وبرنامج سياحي جديد ومختلف
السفر الي روسيا للسياحة Russia
السفر الي روسيا للسياحة خطوات التقديم لسفارة روسيا وبرنامج سياحى Russia

السفر الي روسيا للسياحة خطوات السفارة وبرنامج سياحي جديد ومختلف

السفر الي روسيا للسياحة – سنتعرف في هذا المقال عن خطوات التقديم لسفارة روسيا للسياحة بالاضافة الي برنامج سياحى متكامل غني بالتفاصيل لزيارة روسيا هنبتدي نتكلم إن شاء الله في هذا المقال عن دولة روسيا Russia

قد يهمك: أفضل الرحلات البحرية الفاخرة رؤية العالم بأناقة
قد يهمك: افضل خمس فنادق فى العالم

السفر الي روسيا للسياحة

أول شئ يفضل السفر الي روسيا فى الصيف وأفضل وقت فى الصيف فى آخر شهر يوليو وشهر أغسطس) والميزة في الصيف مفيش رطوبة نهائي

ومتستغربش اذا وجدت ان الشمس بتبتدي تشرق الساعة 2 بليل وبتغرب الساعة 9 بليل

روسيا دولة جميلة الشعب الروسي كويس جدا والبلد أمان ومش بيتكلموا انجليزي نهائي روسي وبس إلا الشباب الصغير في منهم بيتكلم انجليزي

تأشيرة السفر الي روسيا

نبتدي أول حاجة بخطوات التقديم فى السفارة اضغط علي موقع السفارة الروسية فى القاهرة

وده موقع القنصلية الروسية فى الاسكندرية

أول خطوة هتدخل على الموقع ده ملء طلبات الكترونية للحصول علي التأشيرات

عشان تكتب الأبليكيشن وبعدين هتطبعه وبعد ما تطبعه (هتوقع عليه بخط إيدك)

الورق المطلوب

حجز طيران (مؤكد) – حجز فندق (مؤكد) – كشف حساب بنكي (يكون لآخر 6 شهور) – صورة شخصية عادية حديثة 3.5*4.5 بخلفية بيضاء – والباسبور طبعا يكون باقي على انتهائه مش اقل من 6 شهور (وتقوم بتصوير الباسبور ورقة بياناتك صورة) –

وصورة الإقامة بالنسبة لغير المصريين المقيمين فى مصر – ورقة جواب عمل (وبالنسبة لأصحاب الشركات السجل التجاري والبطاقة الضريبية) – وبالنسبة للطلبة شهادة قيد من الجامعة – ولو عندك معاش استخرج ورقة رسمية بمعاشك – وطبعا الأبليكيشن.

وطبعا كل الورق لازم يكون انجليزي (وأي ورقة بالعربي لازم تترجمها من مركز ترجمة معتمد)

واعمل حسابك ممكن الفيزا تاخدها فى نفس اليوم او بعد اسبوع او بحد اقصى شهر (يعني تعمل حسابك على كدة)

ده بالنسبة لتأشيرة السياحة (مدتها شهر)

أما تأشيرة الزيارة (مدتها 3 شهور) مطلوب دعوة رسمية من حد روسي هناك يعملهالك (ولازم تقدم الدعوة الأصلية)

وتأشيرة الزيارة طبعا مش بتحتاج حجز الفندق ومش بتحتاج خطاب العمل بتاعك ولا كشف الحساب.

(بس خلى بالك الزيارة دلوقتي لازم اللى عملك التأشيرة يكون منتظرك فى المطار عشان ضابط الجوازات يعديك)

بالنسبة بقى لحجز الفندق خلى بالك الكلام ده مهم جدا

مينفعش حجز بالبوكينج ولا بأي موقع حجز فنادق

لازم يكون حجز مؤكد ويتعمل دعوة رسمية من شركة سياحة فى روسيا أو فندق فى روسيا ويبعتلك الدعوة الأصلية بالبريد وتروح بيها السفارة (يعني مينفعش تجيلك على الايميل وتطبعها)

طب إزاى اعمل القصة دي فى كذا حل

1- انك بنفسك تراسل فندق هناك بيقدم الخدمة دي وطبعا هتدفع المصاريف بس بشرط انهم يبعتولك الدعوة بالبريد (الموضوع ده صعب شوية).

2- أو انك تراسل شركة سياحية فى روسيا وتدفع مصاريفها وهيا اللى تعملك الدعوة وتبعتهالك بالبريد (الموضوع ده سهل بس فى شركات كتير نصب).

3- أو انك تروح اي شركة سياحة كبيرة هنا فى مصر وهما يقدروا يعملوهالك (طبعا شركات السياحة الكبيرة ليهم تعاملات مع فنادق وشركات سياحية فى روسيا) الموضوع ده سهل بس طبعا مصاريفها هتكون أكتر شوية عشان طبعا هياخدوا نسبة ليهم.

4- فى أقاويل (مش متأكد منها) ان مكتب الترجمة الروسي اللى امام السفارة الروسية بيعمل الدعوات دي وممكن تجيبها منه (بس مش متأكد) ولو صح هتبقى ثقة طبعا لأنه مكتب ترجمة معتمد لدى السفارة الروسية.

قد يهمك: السفر الي ميونخ ,فيينا ,براغ ,بودابست لو بتفكر في رحله جامدة وشيك
قد يهمك: السفر إلى البوسنة والهرسك اروع الاماكن السياحية واهداف السفر

مصاريف تأشيرة السفر الي روسيا

السريعة بتاخد تقريبا من يوم ل 3 ايام تقريبا ب 2500 جنيه.

أو العادية بتاخد وقت تقريبا من اسبوع ب 3 اسابيع تقريبا ب 1300 جنيه

وده الموقع اللى بتحجز منه معاد المقابلة midpass

معلومة: عملة روسيا هيا الروبل والدولار الأمريكي يساوي تقريبا 58 روبل.

السفر الي روسيا للسياحة برنامج سياحي

موسكو Moscow

يعني مدينة السحر والجمال طبعا المدينة زحمة والسياحة فيها ضخمة جدا هنمشي مع بعض برنامج كدة لذيذ فى المدينة دي

أول مكان هنروحوا وأهم مكان وأجمل مكان فى موسكو الساحة الحمراء Red Square فيها كنائس من أورع المباني وطبعا الكرملين

وطالما قولت روسيا يبقى لازم الكلمة اللى بعدها تكون الكرملين Kremlin بينها وبين Red Square تقريبا ربع ساعة مشي
وفى الميدان نفسه هتشوفوا جدار الكرملين

فى منطقة Red Square عايزكوا تدنوا زي النحلة لحد ما رجلكوا متحسوش بيها من كتر المشي

هتتفاجئوا بسحر المدينة وسحر وجمال المباني الى مش هتلاقيها فى اي مكان تانى فى العالم كله

وهناك هتلاقوا متحف تاريخ الدولة State History Museum هتتفاجئوا بروعة وكمية الآثار اللى موجودة فيه

وقريب منه مركز التسويق العالمي العالمى العالمي GUM ضخم جدا

وطبعا ميدان Red Aquare عامل زي ميدان Dam Square فى امستردام روعة ومليان حيوية واحتفالات ومهرجانات

ممكن فى المربع ده كله تخصصه يبقى أول يوم ليك

تانى يوم بقى عليك وعلى واحدة من أفضل وأضخم حديقة حيوانات فى العالم Moscow Zoo

بتفتح كل يوم من الساعة 9 الصبح للساعة 5 العصر التيكيت تقريبا ب 200 روبل

الحديقة المائية Transvaal Park حديقة رائعة وفيها العاب مائية

تلال Vorobyovy Hills روعة ومن عليها هتشوف منظر رائع لموسكو

وطبعا جامعة موسكو Moscow State University من روعتها وجمال وخيال المبنى بقت مزار سياحي اكتر من الطلبة نفسهم لازم تروح تتصور هناك

وطبعا شارع اربات Arbat Street مش هتزهقوا من المشي فيه وده تقريبا يعتبر بعيد شوية عن Red Square

مشي تقريبا ممكن نص ساعة أو اكتر من المترو هتركبوا من محطة Ploschad’ Revolyutsii ناحية Pyatnitskoye shosse وهتنزلوا محطة Smolenskaya وبعدها هتمشوا شوية للشارع

مسرح البولشوي Bolshoi Theatre العالمي الرائع مقدرش اقولكوا سعر التيكيت عشان الاسعار بتختلف حسب العرض وحسب الحفلة وده قريب من Red Square يعني مشي تقريبا ربع ساعة

ونصيحة روحوا محطات مترو كتيرة فى موسكو (تصميماتها وشكلها ساحر)

شارع تريتيكوفسكايا Tretyakovsky Street ولما اقول الشارع ده يعني لازم تروحوا معرض Tretyakov Gallery ده طبعا اشهر جاليري فى العالم

وده برده يعتبر قريب من Red Square مشي تقريبا ربع ساعة أو اكتر شوية أو بالأتوبيس هتنزلوا محطة Tretyakovsky Street

حي نوفودوفيتشى Novodevichy Monastery منطقة رائعة وتاريخية وهتتفاجأ بجمال وروعة المباني والجدران
وده بعيد عن Red Square

بالمترو هتركبوا من محطة Okhotny Ryad ناحية Salarevo وهتنزلوا محطة Sportivnaya وهتمشوا شوية أو بالأتوبيس هتركبوا من محطة Teatralnaya ناحية Luzhniki Stadium وهتنزلوا محطة Letiya Oktyabrya

ودي مناطق أثرية ممكن لو عندكوا وقت تروحوها

Preobrazhenskaya
Smolensky Sobor
Novodevichy cemetery
Nadezhda Alliluyeva
Sergiev Posad

وطبعا لو في وقت ممكن تروحوا السيرك أو ملاهي موسكو أو رحلة نهرية فى موسكو.

قد يهمك: أفضل نصائح المطارات والطيران مجربة مقال معلمين السفر
قد يهمك: السياحة الي إمارة موناكو ان لم تكن من الأثرياء فلا تفكر في الإقامة بها

معلومة بسيطة عن المواصلات فى موسكو

التنقل عموما يا إما بالترام أو الأتوبيس أو المترو.

تذكرة الترام تقريبا فى حدود 17 روبل.

أو بالأتوبيس بس الأفضل بلاش (عشان موسكو زحمة جدا)

أو أحسن وسيلة مواصلات فى موسكو وهي المترو

والتذاكر هتلاقوها بتتباع فى جميع محطات المترو وفى أكشاك برده متخصصة ليها (وفى تذاكر بالرحلة وفى تذاكر باليوم).

وبكدة كفاية اوي رحلة موسكو ونبتدي الجولة التانية فى مدينة من أجمل مدن العالم كله

مدينة نيجني نوفجورود Nizhny Novgorod

المدينة اللى هقولها للأسف مفيش عرب كتير يعرفها ولكنها مدينة سياحية 100% المسافة بينها وبين موسكو تقريبا ساعة بالطيارة أو اقل شوية يعني قريبة اوي من موسكو

بلد جميلة وأمان ونظيفة جدا للأسف كل اللى بيسافر روسيا من عندنا بيروح موسكو وسانت بيترسبورج وطبعا المدينتين دول خيال

المدينة سياحية ولكن النسبة الكبيرة (سياحة داخلية) وأوروبية وللأسف مفيش عرب بيروحوها سياحة

شعب جميل جدا وفى حاجة غريبة للأسف مش موجودة عندنا (كل الولاد والبنات الصغيرين بلا إستثناء بيشتغلوا سواء فى الاجازات أو وقت الدراسة بيوفقوا بين الدراسة والشغل)

وطول ما انت ماشي هتلاقي ولد أو بنت حاطة تلاجة صغيرة فى الشارع وبتبيع عصاير وايس كريم ومية وهكذا

أو بنت عاملة كشك صغير حمام عمومي وبتاخد مبلغ صغير لكل واحد يستخدمه أو فى جنينة الحيوانات بنت معاها حصان وبتأجره باللفة أو واحدة واخدة جزء وحاطة فيه شوية حيوانات وأي حد يدفع مبلغ صغير عشان تدخل وتأكلهم (يعني الناس وهما صغيرين بيقدسوا العمل)

والشعب جميل جدا طول ما انت ماشي هتلاقي الستات ماشيين ومعاهم اطفالهم بيفسحوهم وبرده الأطفال بيلعبوا فى كل مكان

وفى كتير بيركبوا عجل والميزة اللى بتميزها عن موسكو أو سانت بيترسبورج أن نيجني نوفجورود مش زحمة (رايقة اوي)

وفى نفس الوقت فيها سياح كتير جدا وفيها أحلى مطاعم وأحلى أكل (واحدة من أفضل دول العالم فى الأكل)

والمدينة رخيصة جدا (أرخص من موسكو وسانت بيترسبورج)

وطول ما انتا ماشي فى الشارع أمام فندق azimut هتلاقي عرسان كتير اوي واقفين ومعاهم صحابهم وبيتصوروا

قد يهمك: السياحة في جورجيا برنامج رحلة 20 يوم لؤلؤة البحر الاسود والقوقاز
قد يهمك: السفر الي سلطنة بروناى للعيش والعمل (تجربة شخصية)

طبعا أهم مكان فى المدينة (الكرملين) Kremlin

القلعة الخيالية الوهمية التاريخية وفيها متحف حربي عن الحرب العالمية التانية زي ما في كرملين فى موسكو فى ايضا كرملين فى نيجني

سلالم Chkalovskaya Stairs ودي قريبة من الكرملين درجات سلالم متشوفش أولها من آخرها (المنظر هناك خيالي خيالي خيالي)

وطبعا أهم شارعين فى المدينة Pokrovskaya street ده يعتبر أهم شارع فى التمشية وبيبتدي من عند الكرملين

والشارع التانى Rojdestvenskaya street وده برده قريب جدا من الكرملين (مطاعم وكافيهات خيالي) والترام بيعدي فيه

والمتحف العالمي متحف العلوم والفيزياء Museum of Science وده تقريبا مشي نص ساعة من الكرملين التيكيت تقريبا ب 300 روبل.

المول التجاري Fantastika mall (للشوبينج والمطاعم والكافيهات) كبيرة وروعة

فى بقى متحف القطارات الروسية (أيام الحرب العالمية التانية) Railway Museum متحف روعة وفى كل القطارات التاريخية الوهمية وطبعا المتحف بيفتح بالنهار بس وده تقريبا بمسافة 1 كم عن محطة Gorky Sormyrovoivly

حديقة الحيوان Limpopo Zoo وهمية وضخمة جدا وفيها جميع أنواع وسائل الترفيه اللى ممكن أن تتخيلها التذكرة تقريبا فى حدود 400 روبل

وأحلى اكل هناك الشاورما والبان بيتزا

التنقلات بالأتوبيس أو المترو وعلى فكرة المدينة دي غير موسكو مدينة هادية ومش زحمة يعني التنقل بالأتوبيس ممتاز.

والوهم بقى الخيالي هناك التلفريك بيعدي فوق النهر وارتفاعه مهول خيالي وفى رحلات نهرية برده ممكن تجربوها.

معلومة: الغابات هناك كتيرة والمشروم (عيش الغراب) هناك كتير فى الغابات.

شاهد أيضاً

وادي الوشواشي

وادي الوشواشي تحفه ربانيه في نويبع جنوب سيناء

وادي الوشواشي تحفه ربانيه في نويبع جنوب سيناء هو مختلف جدا عن اي مكان تشوفو …

السياحة في أوروبا أفضل المدن السياحية في أوروبا

السياحه فى اوروبا | أفضل المدن السياحية في أوروبا

السياحة في أوروبا – تعتبر أوروبا من أكثر الأماكن الجاذبة للسائحين من شتى بقاع الأرض …

أفضل 5 معالم سياحيه في اليابان

أفضل 5 معالم سياحيه وأسعار السكن والمواصلات في اليابان

أفضل 5 معالم سياحيه في اليابان – تعتبر السياحة في اليابان من أكثر السياحة التشويقية …