الرئيسية / السياحة معالم وأماكن / السفر الي دول البلقان سلوفينيا ,كرواتيا ،البوسنة غني بالتفاصيل
السفر الي دول البلقان سلوفينيا ,كرواتيا ،البوسنة
السفر الي دول البلقان سلوفينيا ,كرواتيا ،البوسنة

السفر الي دول البلقان سلوفينيا ,كرواتيا ،البوسنة غني بالتفاصيل

t>

السفر الي دول البلقان – مرحبا بمتابعين ملتقي السياحين العرب في هذا المقال سنضع برنامج سياحي مميز لزيارة دول البلقان الجميلة المشهورة اللي زي كرواتيا ، سلوفينيا – البوسنة برنامج سياحي غني بالتفاصيل مناسب لمن هم ميزانيتهم معقولة

السفر الي دول البلقان (سلوفينيا)

هتاخدوا شنجن لايطاليا وتنزلوا علي فينيسيا وتقضوا فيها يومين ومنها تركبوا اما باخرة أو قطار ونتوجه الي اول رحلة لدول البلقان الي وهي سلوفينيا

سلوفينيا Vintigar
سلوفينيا Vintigar
السفر الي البلقان بوهينج Bohinij
السفر الي البلقان بوهينج Bohinij
السفر الي البلقان سلوفينيا Old train
السفر الي البلقان سلوفينيا Old train

سلوفينيا soca river
السفر الي البلقان سلوفينيا soca river

أشهر الاماكن في سلوفينيا بالقرب من فينيسيا

1- مدينة بيران Piran الساحلية الجميلة

2- وادي سوكا soca vally ومنطقة isonso وبعدها نروح .

3- تريجلاف ناشيونال بارك Triglav national park ومنها الي .

4- بحيرة بليد المشهورة Bled ومن هناك تقدروا تزوروا مكان جميل جدا اسمه فينتيجر جورج vintigar george ونرجع نبات الليلة دي في بليد والصبح نروح الي .

5- وادي لوجار ( Logar vally ( Logararski ثم الي .

6- منطقة بوهينج Bohinij ومنها الي منطقة فوجل Vogel ثم بعدها الي المحطة النهائية في سلوفينيا الي العاصمة .

7- العاصمة ليوبليانا Ljubljana وهي مدينة رومانسية صغيرة وفيها حديقة الديناصورات الجميلة Dino park

السفر الي دول البلقان ( كرواتيا Croatia )

وصلنا الان الي العاصمة الكرواتية ( مدينة زغرب) وفيها نقضي يومين مش أكتر مفيهاش حاجات مهمة كتيرة

وناخد جولة سريعة فيها علي أهم الأماكن ودي ممكن تعرفوها من علي النت ، وبعدها نطلع علي واحدة من أجمل الاماكن اللي ممكن تزوروها في العالم وهي.

المحمية الوطنية الكرواتية بلتفيتش Peltivice national park

ودي عبارة عن منطقة بحيرات وشلالات من كل مكان صغيرة وكبيرة ، تحس انك ماشي في الجنة

ودي ليها تنقل الي مرحلتين بالمركب فخلوا بالكم وبتقفل قبل الساعة 6 مساء يوميا

ظبطوا مواعيدكم وروحوا بدري هناك وممكن تحجزوا في اي فندق هناك وتباتوا يومها هناك

تاني يوم نطلع علي منطقة طبيعية تانية وممكن يتم السباحة فيها واسمها.

كركا ناشيونال بارك Krka national park

ودي عبارة عن بعض الشلالات اللي هتلاقوا الناس هناك نازلين بيسبحوا وعايشين حياتهم

في المساء ناخد العربية ونطلع نبات في مدينة ساحلية جميلة اسمها زادار zadar

ونقضي فيها يومين نتعرف علي احلي الاماكن فيها وفيها سهرات علي الكورنيش بتاعها لذيذة ، وبعدين نطلع علي مدينة ساحلية تانية اسمها.

شايبنيك sibenik ونقضي اليوم فيها وفي منتجعات حلوة فيها برضه وبعديها نطلع علي مدينة .

سبليت split وبرضه دي مدينة ساحلية جميلة نقضي اليوم في استكشافها وبعدين نطلع علي الريفيرا الكرواتية Croatian riviera

في منطقة اسمها ماكاراسكا Makaraska ومنها الي جزيرة اسمها براك brac ونروح منها لشاطئ زلاتاني zalatani beach

ومنها الي مدينة هفار الساحلية Hvar وبعدها تطلع علي اقدم واعرق مدينة كرواتية وهي المحطة الاخيرة في كرواتيا وهي مدينة.

8- دوبروفينيك Dubrovnik ونقضي فيها يومين او 3 وبعدين نطلع علي المرحلة التالتة من رحلة البلقان الي مدينة نيوم البوسنية Neoum

السفر الي دول البلقان (البوسنة)

بعد انتهائنا من زيارة كرواتيا الساحرة يمكننا المرور عبر مدينة نيوم الساحلية البوسنية الموجودة علي ضفاف البحر الادرياتيكي وهي المدينة الوحيدة الشاطئية في البوسنة

ومن أفضل فنادقها ( غراند نيوم اوتيل – فندق فيلانوفا – موتيل يادرانكا – Apartment vela )

بعد نيوم نقدر نستأجر سيارة ونلف بيها أجمل الاماكن في البوسنة ويمكن متابعة موقع (البوسنة والهرسك – بوابة السياحة والاعمال )

وسيعطيكم تفاصيل عن أجمل الأماكن في البوسنة ومتنسوش ليكم 15 يوم بس تواجد في البوسنة عن طريق الشنجن.

أهم المناطق للزيارة في البوسنة

نيوم – موستار – كونيتس – بروزور وبحيرة راما – سراييفو – زينتسا – يايبلانيكا – توزلا – سريبرينكا – ترافنيك – يايتسا – بيهاتش وبوساسكا كروبا – زافيدوفيتش – جلاموتش – ليفنو و غيرهم

وده برنامج مبسط قابل للزيادة أو النقصان حسب كل واحد وامكانياته ، يلا بينا :

1- نيوم Neum واتكلمنا عنها وممكن تاخدوا لكم يومين فيها .

2- موستار Mostar وما حولها : زيارة الجسر القديم والمدينة القديمة وجسر كريفا ومسجد محمد باشا كوسكي

وبعد كام كيلو من موستار نزور التكية العثمانية ومنبع نهر بونا في حتة اسمها بلاجاج blagaj والقعدة عندها تحفة

وبعد كام كيلو نزور بلدة بوتشتيل Pocitiel وبعد حوالي 50 كيلو من موستار نزور كهف فيترنيشا المميز .

3- كونيتس Konjic : ودي بعيدة عن موستار بحوالي 70ة كيلو وممكن نزور فيها نهر نيرتيفا Nertiva

حيث الرافتنج وسباقات القوارب ، وزيارة بحيرة بوراتشكو Boracko وزيارة القرية البيئية الجميلة الجنة الجنة raju Raju .

4- بروزور – راما prozor rama : ودي من أجمل بحيرات أوروبا وتقع علي بعد 80 كيلو من موستار .

5- سرايفو العاصمة sarrajevo : وصلنا سراييفو أخيرا وممكن نطلع منها رحلات لباقي المناطق ونرجع لها تاني

ومن افضل فنادق سراييفو ( فندق أوروبا – فندق بريزدنت سراييفو – بريستول سراييفو – ريزدانس ماريوت – فندق ينونا ناتشور في الجبل – فندق هوليوود ب منطقة اليجا )

ومن احلي مطاعم سراييفو ( مطعم مالاكوهينجا بالقرب من مسجد غازي خسرو – مطعم بارك برينتشيفا

وده موقعه باطلالة علوية جميلة علي المدينة ، مطعم المياه الصحية Zdrava voda علي وادي نهر نيرتيفا حيث الاطلالة الرائعة )

وكذلك مطعم كيبا (kibe) باطلالته العلوية الجميلة علي المدينة.

ومن المزارات الجميلة والمميزة في سراييفو : سوق بشارشيا التاريخي وسبيل الماء فيه ، زيارة الجسر اللاتيني بالمدينة ونفق الامل اللي أنقذ الاف البوسنيين ايام الحرب

وزيارة برج لأفاز ورؤية المدينة بأكملها حديقة فريلو البوسنة ودي حاجة جميلة جدا وسط البحيرات والشلالات بمنطقة أليجا

زيارة سوق بيزستان Bezistan ومسجد غازي خسرو بيك ومسجد الملك فهد وشارع الفارهاديا وقمة جبل تريبفيتش ومشاهدة غروب الشمس من القلعة الصفراء هناك

زيارة شلال سكاكافاتش وهو علي بعد 12 كيلو من سراييفو، وأكاديمية الفنون الجميلة

أماكن التسوق في سراييفو : سراييفو سيتي سنتر ، سنتر ميركاتور ، مركز BBI

زيارة الأهرامات البوسنية الخضراء بالقرب من قيسوكو علي بعد نص ساعة من سراييفو .

6- ترافنيك Travnik : جولة علي النهر الازرق Plava voda – جولة حول جبال الفلاشتس Vlasic

زيارة قلعة ترافنيك STARIGRAD ، زيارة السوق القديم وجامع شارينا ، زيارة مقهي لطفي واسمه lUTFINA KAHVA

الغداء في أحلي مطعم كباب في ترافنيك واسمه Travnick cevapi ، زيارة قرية تشارداتسي علي ضفاف نهر لاشفا Cardaci .

7- يايتس Jajce : زيارة شلال بليفا وبحيرة بليفا الساحرة Pliva ن زيارة الطواحين المشهورة Jajce mills

أشهر الفنادق هناك هوفندق Plivisko jazero hotel .

8- يايبلانيسا jablanica : زيارة شلال كرافيتسا Kravice fall وبحيرة يايبلانيسا الجميلة .

9- بانيالوكا banja-luka : زيارة نهر فيربس verbs وقلعة Tvrdava .

10 بيهاتش ومحمية أونا الوطنية Bihac : بيهاتش من اجمل مدن البوسنة وفيها أجمل الاماكن فيها زي : شلال مارتن برود Martin brod fall

شلال شتراباتشكي بوك اشهر واجمل شلالات البوسنة Strabatchi Buk + Una national park

زيارة قرية سازين علي نهر أونا cazin وبلدة بوسانسكا كروبا الهادئة وبها مطعم مكابا الجميل علي النهر ، و بوسانسكا أوتوكا علي بحر أونا برضه .

أجمل الفنادق في بيهاتش باطلالتها الجميلة ( فندق أوبال Opal – فندق كوستلسكي بوك – أوتيل اونا روزا )

أجمل المطاعم والكافيهات بموقعها الرائع ( مطعم Mlin – مطعم سونتسيه Suncete )

يمكن زيارة محمية بلتفيتش الكرواتية من بيهاتش فهي قريبة منها Peltivice national park

ختاما لمقالنا حول السفر الي دول البلقان أتمني يكون البرنامج عجبكم وبكده نبقي خلصنا معظم دول البلقان المشهورة

شاهد أيضاً

معلومات عن كروز البحر الكاريبي

معلومات عن كروز البحر الكاريبي نورويجن NORWEGIAN (تجربة العمر)

t>معلومات عن كروز البحر الكاريبي – رحلة العمر وكفي تفاصيل كروز البحر الكاريبي الرحلة دي …

لما نحب نشتري من الهند

لما نحب نشتري من الهند ايه اهمهم وأشهرهم

t>لما نحب نشتري من الهند ايه اهمهم و أشهرهم ١. التوابل الهندية زي الكاري و …

الهجرة الي استراليا

الهجرة الي استراليا أهم النقط وازاي تبدأ هجره استراليا

t>الهجرة الي استراليا – تابع قراءة المقال عن موضوع الهجره لاستراليا متشعب جدا هنحاول نتكلم …