ملتقي السياحين العرب موقع عربي متخصص في السياحة والسفر علي الانترنت
مقالات مشابهة
السفر الي الصين – الreview دي ممكن تفيد الناس اللي مضطرة تسافر الصين انما اللي مش مضطر بليز ميفكرش يزورها قضيت 21 يوم في الصين من اصعب الايام في حياتي الحقيقة كل حاجة مكانتش سهلة علي الاطلاق لا التنقل ولا الكلام او التواصل ولا حتي اللقمة اتهنيت بيها
قد يهمك: لماذا ستكون الصين الوجهة السياحية الأولى في العالم عام 2030
السفر الي الصين
زرت 5 مدن Yiwu, Hangzhou, Shanghai, Suzhou and Bejing ارشحلكم جدا جدا شنغهاي
مدينة جميلة وسهلة وناسها بتتكلم انجليزي وده بيخلي التواصل احسن لعشاق الHiking انصحكم ب Hangzhou
بكين الحقيقة رخمة شبه كل العواصم بس علشان سوق الصين العظيم ينسقي العليق
الأكل في الصين صعب جدا الحقيقة خنزير خنزير everywhere فهتكون فكرة كويسة لو اخدتم معاكم معلبات
جبنة وتونة او حتي اندومي لان الاندومي هناك مش مكتوب عليه اللحمة دي فراخ ولا لحم بقري مثلا او خنزير!
في حد نصحني اخد عيش معايا وانا مخدتش بالنصيحة وندمت مفيش عيش في الصين مبياكلوش عيش خالص تقريبا
والعيش اللي في السوبرماركت عليه عسل كدة فخدوا عيش يا جماعه متتكسفوش من أمن المطار
والصينين مش بيتكلموا انجليزي خالص ودي كانت اول صدمة ليا هناك انه يا تري ده غرور ولا غباء اصل مش معقول جهل!
وبعد شوية وقت اكتشفت انه كسوف بيتكسفوا يتكلموا انجليزي علشان مش متعودين!
كنت في هوستيل وبنت صينية كانت بتحاول تتكلم معايا بالانجليزي وانا كنت مبسوطة جدا اني بسمع حد بيتكلم حاجة انا اخيرا فاهماها ولد علق عليها بعد ما خلصت انه she is brave متخيليين!
اكنها عملت عمل بطولي بلد حرفيا خالية من الانجليزي ما عدا الجميلة شنغهاي ♥️
سلوكيات الناس في الشوارع
الحقيقة هي منقسمه الي قسمين ناس متعلمه ومثقفة لو سألتهم سؤال هيبصوا الاول في ساعة اليد يشوفوا وقتهم يسمح للرد او لا
وعامة الشعب اللي مبيتكسفش يعمل اي حاجة في الشارع والاماكن العامة من اول انه يقلع الطفل هدومه ويخليه يعمل بي بي كده علنا
او انه هو شخصيا ي spit عادي برده في الشارع وبكل فخر وكل شوية اكنهم داخلين مسابقة
لكن القسمين دول بيجتمعوا علي حاجة واحده Never help لو شافوك مرمي ادامهم بيخطوا عليك ويكملوا طريقهم عادي
انا مسافرتش اوروبا وبنسمع دايما انه في الغرب برده الناس مش بتساعد.. بس علي الاقل ممكن تسمع كلمة مواساه
انما دول لا بيتكلموا ولا بيساعدوا عرفت من حد عايش بقاله فترة في الصين انه علشان الواحد يبقي موظف هناك يشترط ان يكون ملحد وفي الحقيقة it makes sense
مع ان يا أخي بنشوف هنا ملحدين وبيساعدوا برده فين الالحاد الوسطي
اللبس لبسهم غريب جدا مريب جدا يعني ممكن في عز النهار تلاقي واحدة لابسة بيبرق وترتر ومنفوش
الextremes واخده حقها هناك يا واسع اوي يا قصير اوي مفيش خير الامور الوسط خالص
حتي في العلاقات يا حاضنين بعض وماشيين زي المعاتيه او محدش بيكلم حد
حاجات كتير اوي في الصين كلها غريبة وجديدة بدون طعم منصحش حد يسافر الجزء ده من العالم الحقيقة
روحوا المغرب ♥️ او تعالوا مصر ❤️ روحوا مكان ناسه حلوة الناس الحلوة بتحلي الايام ❤️
