fbpx
الرئيسية / أفضل / أفضل نصائح السفر إلي سريلانكا الحياة أخضر في أخضر
السفر إلي سريلانكا
السفر إلي سريلانكا

أفضل نصائح السفر إلي سريلانكا الحياة أخضر في أخضر

السفر إلي سريلانكا – المقال ده للناس اللي بتحب تسافر بفلوس قليله وعاوزه تنبسط هنتكلم عن كذا جزء صحصح معايا السفر إلي سريلانكا بلد المغامرات الحياة أخضر في أخضر وجنبه سحاب

السفر إلي سريلانكا

الفيزا لسيريلانكا أون لاين

السياحة في تايلاند بين الجمال والخيال

بتقدم عليها وبتجيلك بسهوله جدا تكلفتها 35 دولار ، وممكن تروح للسفارة بتاعتها في الزمالك 8 شارع سريلانكا

وتاخدها على الباسبور وسعرها 620 جنية للفرد وبتاخدها بعد يوم او اتنين بالكتير ومضمونة

تانى حاجة حجز الطيران احنا حجزنا قبلها ب3 شهور على طيران الخليج وكان ممتاز جدا جدا وترانزيت البحرين

مطارهم صغير وحلو وكان بحوالى 7500 للفرد ودا اغلى حاجة هتدفعها فى الرحلة بس.

عملة سريلانكا

هى الروبية الريلانكي انا سافرنا وكان الدولار ب167روبية سريلانكي فالاسعار هناك تقريباً ببلاش

يعنى مثلا ماكادونالدز مرة اكلنا كان ب 600 روبية ووجبة كانت مليانة البيبسي والماية 70 روبية و100 روبية الاسعار هناك ببلاش اكل وشرب ومواصلات وكل حاجة

الاقامة كان البرنامج بتاعي كل يوم فى مدينة بدات ( سيجريا ودامبولا – كاندي وبانوالا – نوراليا – ايلا – بنتوته – جال وكلومبو اخر يوم )

فكنت بحجز من على بوكينك قبلها بــ10 أيام وكل الهوستيل والفنادق كانت ممتازة جدا وتكلفة ال6 ايام 110 دولار وكنت بدفعهم بعملتهم اللى هى الروبية

هوستيل كان 10 دولار مثلا بالفطار فردين وهكذا باقى المدن فى12 دولار كدة يعنى .

الشوبينج

الشوبينج هناك حلو فى مدينة كاندي لبس حلو وفى كذا مول واسعارهم زى مصر واقل شويتين

ومدينة نوراليا لبس شتوى لان دى اكتر بلد جوها بارد جدا ومطرة تقريبا على طول

وطبعا لا ننسي الشاى السريلانكي العظيم ممكن تجيبو من مصنع الشاي اللى فى نوراليا اسمه DAMROO TEA

الخروجات

انت مش هتزهق من اللون الاخضر الشجر والزرع والجبال اللى مليانة خضرا فى كل مكان حواليك

اول مدينة اتحركنا عليها من بعد المطار مدينة سيجريا واخدنا فى الطريق ليها 4 ساعات بتتفرج على مناظر مش طبيعية

روحنا على طول على صخرة سيجريا بس كانت غالية وروحنا على الصخرة اللى ودامها اسمها Didorangala rock وكانت ب 500 روبية للفرد وبتطلع تشوف مناظر جميلة وتلقى الصخرة الكبيرة ودامك وبتقابل قردو فى الطريق عادي خالص

بعد اما نزلنا بنشرب المشروب جوز الهند طعمه معجبنش بس اهو شربنه

وروحنا كذا حديقة بعدها جميلط جدا فى الطريق ..البلد هناك اخرها الساعة 6 وكله بينام

تانى يوم روحنا مدينة اسمها كاندي وفى الطريق روحنا Pinnawalle ودى منطقة الافيال شوفنهم وهما بياكلو وبيستحمو

وركبنا الافيال احساس مختلف وانت ماشي فى الطريق تلقي جنبك افيال عادي ماشية واكلنا الذرة المسلوقه طعمها تحفة

بعدين روحنا بحيرة Kandy lake والجو هناك مش طبيعي واجرنا مركب هناك اعدنا حوالى نص ساعة ودفعنا 2500 روبية
وداخنا كذا معبد هناك لبودا وهندوس 😀

اخر اليوم بليل روحنا عملنا شوبينج فى مول فى مدينة كاندي وسهرنا هناك البلد هناك مش بينامو بدري 😉

الصبح اتحركنا لمدينة نوراليا وهتشوف السحاب وادمك وجنبك هتحس انه عامل زي غزل البنات 😀 وقريب منك جدا دا غير الجو الساقع والمناظر اللى هناك

داخنا هناك كذا شلال هناك حلوي جدا lovers leap water fall و Nanv oya وكمان GRIGORY LAKE ركبنا JETSKI

وروحنا مصنع الشاي tea factory واتفرجنا ازاى بيعملوا الشاى واشترينا شاى

وبيعزموك على شاي ببلاش وتاكل كيك طعمه حلو جدا

فى طريقنا روحنا POST OFFICE ودا حاجة قديمة جدا جدا بس منظرة حلو اوووى

نصائح لو ناوي تسافر ماليزيا أفضل اماكن ماليزيا السياحية

وبليل روحنا شوبينج شتوووووووي

المدينة اللي بعدها هي ايلا مدينة حلوة اووي وجوها قريب من مدينة نوراليا بس ادفى شوية بس كانت طول اليوم مطر

والجو حلو جدا مش سقعة اول حاجة روحناها LITTLE ADAMS PEAK وكان طلوعه حلو جدا ولما توصل للقمة هتحس انك

عملت انجاز الجو من حلوته بيجرى فوق اعدنا 3 ساعات ولا حسينا بيهم

نزلنا وروحنا لاهم معالم المدينة وهو NINE ARCH BRIDGE وشوفنا القطار وهو بيعدى واعدنا كتير هناك

روحنا شلال هناك اسمه RAVANA FALLAS حلو اووي واكلنا مانجة بشطة طعمها وهم

وبليل نزلنا اتفرجنا على البلد المدينة سياحية واسعارها شوية غالية فى الكافيهات لكن غير كدة رخيص

المدينة اللى بعد كدة بينتوته مدينة الدلع والأنتخة والاستجمام

كنا اعدين فى فيلا جنب شريط القطر والبحر حاجة كده تجبلك زهايمر من كتر احساس الانتخة

والبحر حلو اووي وعملت CAR PARACHOT وكان احساس مختلف انك تطير حوالين المدينة 20 دقيقة والبلد دى عشان تريح اعصابك بس

أكلنا سي فود وسمك وطعمهم وهم الوهم ولما عرفوا فى المطعم اننا مصريين شغلو اغنية 3 دقات

أخر يوم روحنا مدينة GALLE اكتر بلد فيها مسلمين ومسيحين وفيها جوامع وكنائس والقلعة والبحر مدينة أثرية اكتر بتتفرج فيها على معالم حلوة

وكانت الطيارة بتاعتنا الفجر فعدينا على العاصمة كولمبو اتغدينا واتمشينا البلد زحمة بس حلوة ومختلفة عن باقي المدن لان الباقي هدوء.

أخيراً الايجابيات البلد هدوء اهلها طيبين وفى نظام وناس امينة وبيساعدو بعض الاسعار رخيصة جدا جدا للى حابب يسافر اول مرة

المدن الساقعة نوراليا وايلا بس هتنبسط خد جاكت

خد معاك كوتشي حلو عشان وانت بتطلع جباال

اهم حاجة الكاميرا بتاعتك

الخط اللى تشترك DIALOG بــ1300 روبية وبيديك 9 جيجا النت سريع جدا
الرحلة مكلفاني لفردين 32 الف جنية
فيزا و طيران واقامة واكل وشرب وفسح وخروجات وشوبينج وكنا مأجرين سواق طوال الاسبوع

srilanka travel

شاهد أيضاً

افضل الوجهات السياحية العربية

افضل الوجهات السياحية العربية

افضل الوجهات السياحية العربية – تمتلك البلاد العربية العديد من الأماكن الجاذبة للسياح من شتى …

أفضل الوجهات السياحيه فى العالم

أفضل الوجهات السياحيه فى العالم | دليلك السياحى

أفضل الوجهات السياحية في العالم | دليلك السياحي اذا أردت قضاء أجازة سياحيه مثاليه لك …

افضل اماكن السفر لقضاء شهر عسل او لوحدك مهما كانت ميزانيتك وبدون فيزا

افضل اماكن السفر شهر عسل ,او لوحدك وبدون فيزا الموضوع صعب طب نحاول نسهلها ورقة …