fbpx
الرئيسية / المسافرون العرب حول العالم / السفر إلى أوكرانيا الدراسة ,الهجرة ,السياحة

السفر إلى أوكرانيا الدراسة ,الهجرة ,السياحة

السفر إلى أوكرانيا – الحياة في أوكرانيا رخيصة نوعا ما (150-200 دولار تكفيك معيشة -أكل و تنقلات- في الشهر) حسب المدينة اللي انت فيها أغلى المدن (كييف, أوديسا) فرص الشغل تكاد تكون معدومة من غير لغة اوكرانية أو روسية حتى لو معاك لغة ممكن تشتغل بطريقة غير رسمية بمرتب 100-150 دولار في الشهر إلا بقى لو ليك حد يظبطلك حاجة هناك

قد يهمك: السفر الي روسيا للسياحة خطوات السفارة وبرنامج سياحي جديد ومختلف
قد يهمك: السفر الي صربيا للسياحة أو العمل (رحلتي الموثقة)

السفر إلى أوكرانيا

الشعب الأوكراني أصبح ودود أكتر ومتقبل الأجانب من بعد المشكلة اللي حصلت مع روسيا في 2013 وأدت لتدهور الاقتصاد

وده كان سبب كبير ان 70% من الشباب و 40% من الناس عامتا يسافروا يشتغلوا بره أوكرانيا

وبالتالي بدأوا يعانوا من الغربة والعنصرية ضدهم وده خلاهم ينظروا للأجانب بشكل مختلف

(الدولار لحد 2007 كان ب 4 هريفنا – 2008 بقى ب 7-8 هريفنا – 2013-2014 بقى ب 27-30 هريفنا)

الجو هناك متقلب 80% من السنة يعني ممكن تلاقي تغيرات في درجات الحرارة توصل ل 10-15 درجة في يومين

الشتاء هناك متوسط درجة الحرارة فيه (-10) (-20) و الصيف متقلب أكتر كمان ودرجة الحرارة بتلعب فيه بين 25 و 15

نسبة البنات في أوكرانيا بالنسبة للولاد حوالي 3 ل 1 و ده سببه ان معدل انجاب البنات أكتر

بالإضافة لكده عدد كبير من الولاد مطلوبين للجيش بسبب المشاكل اللي بتحصل على الحدود مع روسيا علشان كده نسبة الجواز عندهم بتقل مع الوقت

قد يهمك: السفر الي سلطنة بروناى للعيش والعمل (تجربة شخصية)
قد يهمك: السفر إلى البوسنة والهرسك اروع الاماكن السياحية واهداف السفر

الدراسة في أوكرانيا

مبدأيا معظم المكاتب نصابة وبيكدبوا على الناس بما أن الطلاب صغيرين وعايزين يسافروا و خلاص أو أهلهم كبار في السن مش عندهم خلفية

وأنا بقول كلامي ده بعد ما شوفت طلاب كتير دافعين مبالغ خرافية وفيه منهم أصلا أخدوا رفض من السفارة والفلوس راحت عليهم

تخيل لما تكون دافع 2000 أو 2500 دولار وعندك حلم انك مسافر وتترفض وفلوسك تضيع و حلمك يضيع.

تكلفة الدعوة: 40-50 دولار والدعوات الدراسية كلها واحدة وكلها بنفس السعر

لو عن طريق مكتب المكتب بيكون متسجل تبع وزارة التعليم وبيدفع على كل راس بيجيبها حوالي 30-50 دولار (نقول 100 دولار علشان نخليهم يكسبوا)

ونقول كمان بيدفع للجامعة 50-100 دولار هدايا وأي كلام فاضي علشان يخلي العلاقة مبنية على الحب

(و ده في حالات قليلة وبيكون ليها أسباب تانية زي انه يظبطلك أمتحان القبول وممكن يسهلك سكن الطلاب في الجامعة وهكذا)

يعني في المجمل المكتب ممكن يكون دافع 200 دولار في الدعوة فلما تلاقي مكتب بيقولك 2000 دولار أتعاب

ده معناه انه واكل عليك 1800-1900 دولار في جيبه علشان مشوار للجامعة

اللي غالبا بيكون صاحب المكتب بيجبها بنفسه أو فيه صحابه بيدرسوا هناك طبعا المكاتب بتقول كلام تاني زي أنا هاخلصلك ورقك في السفارة (وده أنت ممكن تعمله بنفسك)

أو يقولك هاضمنلك الفيزا (وده كدب علشان الفيزا اوراقك هي اللي بتحددها) ويقولك أستقبال من المطار ويفضل معاك في تخليص كل أوراقك

( كده كده المكتب مسؤول انه يكون في استقبالك علشان يخرجوك من المطار وبالنسبة لتخليص بقيت الأوراق ديه حاجة تافهة وفي الجامعة أصلا بيقولوا لك مش محتاجه حد يعملهالك)

من الأخر أنا شايف ان لو المكتب بياخد 700-800 دولار ده يكون مكسب كبير ليه وفي نفس ذات الوقت مبلغ معقول في متناول الطالب المصري المتوسط محدود الذكاء.

طبعا بيكون فيه مصاريف الجامعة وديه أنت ممكن تعرفها من موقع الجامعة وكده كده أنت اللي بتدفعها لما توصل وتبدأ تخلص أوراق الجامعة وأوراق الإقامة.

الإقامة كانت بتبقى على حسب المصاريف اللي انت دافعها يعني لو دافع ترم واحد بتاخد إقامة 6 شهور

ولو دافع سنة بتاخد إقامة سنة لكن دلوقتي بالنظام الجديد بتاخد إقامة حسب مدة الدراسة المتوقعة

يعني لو هاتدرس هندسة هاتاخد إقامة 4 سنين وهكذا وده مش بيكون بمصاريف إضافية

فلوس الإقامة و مصاريف الجامعة أنت بتدفعهم في البنك بنفسك بعد ما تاخد وصل من الجامعة بالمبلغ المطلوب سداده.

قد يهمك: السفر الي النرويج الأفضل أوروبيا للعيش والعمل
قد يهمك: السفر الي الأوروغواي للعيش والعمل مميزات وعيوب (تجربة شخصية)

الهجرة إلى أوكرانيا

عشان نكون متفقين, مفيش هجرة في أوكرانيا في إقامة دائمة و ديه ليها شروط زي (زواج – أملاك – بيزنس)

الجواز سهل في أوكرنيا , لو انت رايح هناك مش محتاج حاجة عشان تكتب عقد الجواز غير جواز السفر

(والكلام ده أنا بقوله عن خبرة و لو حد عايز يتأكد يدخل على موقع وزارة الداخلية ويشوف الأوراق المطلوبة أو لو ليك حد هناك خليه يروح المحكمة يسأل)

فيه مكاتب ليها سكك تقدر تعملك إقامة دائمة (بحوالي 4000-4500 دولار) والجنسية (بحوالي 15000 دولار)

ديه معلومات انا سألت عليها بنفسي ومن مصادر موثوقة معلومات اتأكدت منها علشان محدش يتنصب عليه

السياحة في أوكرانيا

الأوراق المطلوبة للسياحة زيها زي أي سفارة تانية يقال انك لازم تكون مقدم تبع مكتب سياحة أوكراني

(وفي رأي الشخصي ده علشان انهم يضمنوا انك رايح سياحة فعلا وهاتدفع الفندق وكده لكن فيه ناس أنا أعرفهم شخصيا سافروا سياحة من غير أي مكاتب

الأماكن الأحلى في أوكرانيا

هي مدينة Lviv (مدينة تلقب ب باريس الصغيرة و هي تحفة معمارية وأهلها متحضرين ورخيصة و فيها European standard shopping

وقريبة من مزارات سياحية مايعرفهاش ناس كتير زي جبل Bukovel لو عايز تتزحلق على الجليد

ونفق الحب Tunnel Of Love و كنائس جميلة وقلاع فوق جبال ومتاحف وترابيزات بيلياردو وبينج)

أسامي المدن الجملية جدا في أوكرانيا

Uzhgorod – Truskaets – Yaremche – Chernobyl – Kiev – Dniprope

travel to ukraine

شاهد أيضاً

وادي الوشواشي

وادي الوشواشي تحفه ربانيه في نويبع جنوب سيناء

وادي الوشواشي تحفه ربانيه في نويبع جنوب سيناء هو مختلف جدا عن اي مكان تشوفو …

السياحة في أوروبا أفضل المدن السياحية في أوروبا

السياحه فى اوروبا | أفضل المدن السياحية في أوروبا

السياحة في أوروبا – تعتبر أوروبا من أكثر الأماكن الجاذبة للسائحين من شتى بقاع الأرض …

أفضل 5 معالم سياحيه في اليابان

أفضل 5 معالم سياحيه وأسعار السكن والمواصلات في اليابان

أفضل 5 معالم سياحيه في اليابان – تعتبر السياحة في اليابان من أكثر السياحة التشويقية …