fbpx
الرئيسية / تجارب وتقارير سياحية / معلومات عن الدراسة في روسيا الخطوات وتكاليف المعيشة
الدراسة في روسيا
الدراسة في روسيا نلقي نظرة علي الموضوع وتفاصيلة

معلومات عن الدراسة في روسيا الخطوات وتكاليف المعيشة

الدراسة في روسيا – هنتعرف في المقال ده طرق الدراسة في روسيا في صيغه سؤال وجواب عشان الناس تفهم اسرع
هنحاول نلقي نظرة علي الموضوع وتفاصيلة بشكل حيادي جدا في عرض الموضوع ككل هي لا جنه ولا نار ليها عيوب ومميزات زي اي بلد ف الدنيا

قد يهمك: السفر إلى أوكرانيا الدراسة ,الهجرة ,السياحة

الدراسة في روسيا

ليه ادرس في روسيا ؟

في بلاد صف اول للتعليم زي سنغافوره – فنلندا – المانيا – امريكا – انجلترا – كندا البلاد دي عشان تروح تدرس فيهم علي حسابك وتتحمل كمان مصاريف المعيشه فيهم وانت انسان مصري عادي

هحتاج كنز من كنوز الارض ف طبيعي لو معاك فلوس كثير مش هتفكر في روسيا اساسا

انما روسيا هي اختيار كويس للناس اللي حالتهم الماديه متوسطه في مصر ومعرفوش يلحقوا كليه كويسه مقارنه بأقرانها من بلاد الصف التاني في التعليم يعني هي احسن الوحشين

ودة منطقي جدا لو معانا فلوس ساعتها هنختار اقوي واحلي واجمل حاجه ونروح ليها مفيش حد

يعني مثلا كلنا وكل البشر عارفين ان المانيا مثلا احسن مليون الف مرة بس العين بصيرة والايد قصيرة

اغلب بلاد الصف الاول او حتي التاني بيطلبوا لغات معينه بدرجات معينه تكون معاك عشان يدوك قبول جامعي أو الفيزا للدراسه عندهم

يعني مثلا في امريكا عايزين تويفل في انجلترا عايزين ايلتس في المانيا عايزين B1 أو B2 في تركيا عايزين يوس الخ الخ

انما روسيا مبتحتاجش اي اثبات لاجاده اللغه الروسيه لانك لو قررت تدرس بالروسي هناك هتدرس ف الاول حاجه
اسمها سنه تحضيريه

ودي عباره عن سنه هتتعلم فيها اللغه الروسيه مع المواد اللي هتدرسها ف التخصص بتاعك بعد كدة يبقي كدة روسيا شالت من عليك عبء انك تذاكر وتمتحن لغه في مصر

مصاريف المعيشه خارج موسكو وسان بيتر أرخص من معظم بلاد اوروبا ممكن تعيش في الشهر ب 128 او 588 دولار

امتي روسيا تكون اسوء بلد في الدراسه ؟

لو انت مقرر انك ترجع مصر بعد انتهاء دراستك ودرست تخصص غير التخصص اللي طلعت بيه من مصر

ساعتها المجلس الاعلي للجامعات مش هيعتمد شهادتك اصلا حتي لو ماضي عليها بوتين شخصيا

مثال اوضح

انت في مصر كنت أدبي روحت روسيا دخلت طب وبقيت دكتور وحبيت ترجع مصر بالدكتره ال معاك دي مش هيتم اعتمادها في مصر ابدا لانها علي خلاف التخصص اللي طلعت بية من مصر

لكن لو مش عايز ترجع مصر تاني ابدا ساعتها النقطه دي مش هتفرق معاك

لو انت مقرر انك تدرس في روسيا بالانجليزي نسبه 37 % من الشعب الروسي مبيعرفش انجليزي اصلا

حتي ف الجامعات والدكاترة بتوع الجامعات بيتكلموا روسي بس

ومعلومه صادمه ان اللغه التانيه في روسيا هي الصيني اصلا مش الانجلش

فأنت لو رايح عشان تدرس كل سنين الدراسه بالانجليزي وبعدين تتخرج بشهادة معترف فيها انك متعلمتش روسي
ابدا

متوقع هتلاقي شغل بالشهادة دي في روسيا ؟ متوقع انك هتعرف تلاقي شغل اثناء الدراسه اصلا ؟

متوقع انك هتعرف تتعلم اصلا وتسلك في الدراسه ومتاخدش السنه ف سنتين؟ الاجابات علي كل الاسئله دي ب لأ اكيد

لو انت فاكر ان اسعار الشغل للطلاب هتكفيك كمعيشه من اول سنه الطلاب الشغل بتاعهم يأما اونلاين يأما ف الكافيهات بيرصوا شيشه يأما في السكن الجامعي في الحلاقه والوجبات

في حوار القبول الجامعي والسمسره يأما بيجيبوا عربيه ويشتغلوا فيها علي تطبيق شبه اوبر في روسيا

وكل دة في اول سنه مبيحصلش لانك بتكون لسه تايهه ومش عارف اي حاجه عن اي حاجه

فلازم تكون مدبر نفسك ان مصاريف معيشه اول سنه تكون كافيه ومعاك من وانت في مصر وتكون جاي عشان تدرس وبس
خصوصا اول سنه

لو انت فاكر ان الدراسه هتبقي اسهل واحسن طريق ليك للجنسيه الروسيه لو فرضنا انك هتدرس تخصص 4 او 2 سنين

بعدين هتدور ع شغل وتلاقي بتخصصك هتاخد اقامه مؤقته لمدة سنتين وبعدين تاخد اقامه دائمه لمدة 2 سنين

وبعدين ال 2 سنين تقدم ع الجنسيه واجراءاتها بتاخد سنه يعني عشان تاخد الجنسيه الروسيه عن طريق الدراسه هتقعد 11 او 15 سنه

وكل دة علي جنسيه اصلا مش قويه ومش زي اي جنسيه اتحاد اوروبي فلو انت بتفكر ف طريق الجنسيه يبقي اكيد الدراسه مش هي الطريق لده

ازاي ادرس في روسيا وايه الخطوات اللي لازم اعملها ؟

الاوراق المطلوبه منك عشان تدرس ف روسيا

سكانر من الباسبور الساري بتاعك
سكانر من شهادة الثانويه العامه وبيان الدرجات موثقه في الخارجيه
سكانر من تحليل ايدز بتاعك
ودي اهم نقطه عشان تاخد فيزا دراسه لازم تاخد قبول جامعي من جامعه روسيه تقر فيها انها موافقه انك تدخل
عندها كطالب دولي وتدرس عندها .. وتبعتلك دعوة بالموافقه وتروح السفاره بالدعوة دي عشان تاخد فيزا الدراسه
والدعوة دي بتاخد من 58 ل 42 يوم عشان تطلع وتتبعتلك

ولما الدعوة تطلع بتروح بيها السفاره عشان تاخد فيزا دراسه مدتها صلاحيه 3 شهور ولما بتصول روسيا بتجددها
لسنه كامله

وطبعا كل سنه بتجددها مع دفع مصاريف كل سنه

فلوس الجامعه بتدفعها ازاي ؟

بتروح الجامعه لما بتوصل وتمضي عقد الجامعه ف الجامعه نفسها وبعدين بتروح لحاجه اسمها سبير بانك

دة اكبر بنك حكومي هناك وتدفع الفلوس بتاعه السنه وبتدفعها بالروبيل وياريت تغير الدولارات اللي معاك من بره سبير بانك

لان سعر البنك دة قليل وبعدين ابقي روح سبير بانك تودع الفلوس بتاعه الجامعه وبعدين بتروح الجامعه عشان تديهم ايصال الدفع

عشان تجيب القبول دة في مليون طريقه في طرق بتوع الشركات والسماسره او الطلبه اللي هناك ودة مش هتكلم عنه ابدا

عايز تتفق مع حد انت حر عايز تسمع كلامهم انك مستحيل تجيب قبول من غير وسيط او مساعده برضه انت حر

الطريقه المجانيه

1- تدخل علي جوجل تبحث عن المدينه والجامعه اللي انت عايز تدرس فيها تدخل علي لينك الجامعه وتشوف الايميل
بتاعهم وتبعت ايميل للجامعه انك عايز تدرس فيها وهما هيتواصلوا معاك

تدخل ع اللينك دة ودة موقع الدراسه ف روسيا موقع حكومي ودة فيه كل جامعات روسيا في كل المدن بكل التخصصات

تختار 2 جامعات وتراسلهم عشان تعلي فرصتك ف القبول بأكثر من واحدة اللينك دة هيوفر عليك بحث كثير russia study

شويه ملحوظات مهمه جدا وانت بتقدم ع الجامعات ف روسيا

هات اسم الجامعه و الرانك بتاعها و روح بيها المجلس الاعلي للجامعات في جامعه القاهرة وخش مكتب معادله
الشهادات الخارجيه واسأل علي هل هي معتمدة في مصر ولا لأ

هتلاقي جامعات مبتتواصلش مباشره مع الطلبه ولازم عن طريق وسيط .. اغلب الجامعات دي جامعات خاصه ..
افكس ليهم وخليك ف الجامعات الحكوميه

حاول تنقي جامعه الرانك بتاعها ميقلش عن 188 بأي حال من الاحوال

حاول تختار الجامعه ال تكاليف الدراسه شامله السكن الجامعي 788 دولار في العام الدراسي

السكن الجامعي بيعتمد على المدينة والجامعة ، الرينج بتاع تكلفة السكن حوالي 128

ودي عبارة عن غرفة من شخصين إلى خمسة أشخاص.

اسعار التخصصات : بتختلف حسب المدينه والجامعه

في من اول 1288 دولار ف السنه لغايه 4288 دولار ف السنه
لازم تبحث وتعرف وتحدد وعلي اساسها هتعرف السعر ال هتدفعه كويس

الاسعار بتاعه المعيشه والاكل والشرب وكدة ؟

قولت بدل ما اكتبلكم اسعار كل حاجه و تزهقوا جبت ليكم 5 فيديو فيهم كل واحد فيهم مدته نص ساعه عشان تتعرفوا
ع الاسعار براحتكم

شاهد أيضاً

لما نحب نشتري من الهند

لما نحب نشتري من الهند ايه اهمهم وأشهرهم

لما نحب نشتري من الهند ايه اهمهم و أشهرهم ١. التوابل الهندية زي الكاري و …

الهجرة الي استراليا

الهجرة الي استراليا أهم النقط وازاي تبدأ هجره استراليا

الهجرة الي استراليا – تابع قراءة المقال عن موضوع الهجره لاستراليا متشعب جدا هنحاول نتكلم …

تأشيرات بلاد المغرب العربي

طرق الحصول علي تأشيرات بلاد المغرب العربي المغرب ,تونس ,الجزائر

تأشيرات بلاد المغرب العربي – بما ان ناس كتير بتسأل علي ازاي تطلع فيزا المغرب …