ملتقي السياحين العرب

البرلس مدينة فى كفر الشيخ أتحولت كلها للوحة فنية

البرلس مدينة فى كفر الشيخ أتحولت كلها للوحة فنية – البلد دى بقت ناس كتير برة بتتحاكى بيها من ألوان بيوتها اللى أبتدى الشغل فيها مجموعة من الفانين المصريين وبعد كدة بقى الأطفال والشباب يشاركوا

شوية شوية بقى فى أجانب كتيير بيجوا يرسموا ويلونوا هما كمان البيوت

عجائب الدنيا السبع في مصر

تحولت المدينة الى لوحة فنية أحلى ما فى الموضوع أن جميع الاهالى بيحافظوا على الرسومات لاقصى درجة وبينضفوها يوميا ..

بشوية اهتمام للمكان دة ممكن يتحول لمزار عالمى أن شاء الله

المكان دا بقى بيتعمل فيه مهرجان عالمى للرسم والتلوين ع الجدران كل سنه وبيشارك فيه طلبه كتير من كليات الفنون التشكيليه والفنانين الاجانب

طبعا والى بيميز المكان دا فعلا الموقع الجغرافى بتاعه لانها بتقع بين البحر المتوسط وبين بحيرة البرلس فالمكان يعتبر شبه جزيره

وفى السنه الاخيره الحكومه عملت تطوير كبير جدا للبحيره فبقت جميله جدا والى هيروح هناك فعلا هيقضى يومه كله بين الصيادين والمراكب

لان القريه دى اعتمادها الكلى على الصيد وفيه مراكب بتنزل البحيره عادى لو حد حابب ياخد جوله وياخد شوية صور ولو حابب تاكل اكلة سمك حلوه كدا ورخيصه جدا

ومعموله بأيادى الستات البسيطه الى هناك عمرك ماهتنساها ابدا وحقيقى الناس دى طيبه جدا وبسيطه زى بتوع النوبه بالظبط

Exit mobile version