الرئيسية / السياحة معالم وأماكن / أماكن الأكل والفسحة الجديدة في الإسكندرية مزيج من التاريخ والحداثة
الإسكندرية أماكن الأكل والفسحة
الإسكندرية أماكن الأكل والفسحة الجديدة

أماكن الأكل والفسحة الجديدة في الإسكندرية مزيج من التاريخ والحداثة

t>

الإسكندرية بمزيجها من التاريخ والحداثة – لؤلؤة البحر الأبيض المتوسط ستبهرك بما تتمتع به من مزيج بين التاريخ والحداثة على الرغم من قلة الاثار الموجودة من بقايا المدينة القديمة إلا أن الإسكندرية ما زالت تحتفظ بالجو المميز لدول البحر المتوسط والمنازل التي تحمل الطابع الأوروبي القديم، إضافة الى المقاهي القديمة والآثار الإغريقية الرومانية.

الإسكندرية اهم أماكن يجب زيارتها

يمتد الخط الساحلي لمدينة الإسكندرية على مساحة لا تقل عن 70 كم بدءًا من الجانب الشمالي الغربي لدلتا النيل ووصولاً إلى بحيرة ماريوت في الجهة الشرقية.

عجائب الدنيا السبع في مصر
السياحة في مصر بين الترفيه والحضارة شاهد بنفسك جمال أم العالم

ويضم الساحل مجموعة من الموانئ الرائعة من بينها ميناء أبو قير، بالإضافة إلى الميناء الاسكندري الشرقي الذي يأخذ شكل هلال والذي يطل على قلعة قايتباي المهيبة.

هنختصر لك الإسكندرية واهم أماكن التي يجب ان تزورها لقضاء يوم لا ينسي

١- المنتزة

أكبر حديقة موجودة في الاسكندرية وفيها قصر الملك فاروق وشوية قصور جمبها

وفيها مرسي يخوت وبحر وحدائق كتير تنفع لو عايزين تعملوا حفلات باربيكيو او ايفنتات اوت دور التذكرة ٢٥ جنيه للفرد .

٢- مكتبة اسكندرية

لازم من يزور الاسكندرية يدخلها ، صرح معماري عبقري وكبيرة جدا وجواها متاحف كتير زي متحف السادات ومتحف للاثار الفرعونية والقبطيه والاسلاميه

وهتلاقي بجوارها القبة السماوية بتعمل عروض كأنك في الفضاء بالظبط ومن احلي الحجات اللي هتستمتع بيها في حياتك وتذكرة المكتبة ٤ جنيه .

٣- متحف المجوهرات

من الامور اللي هتستمتع بيها جدا فيه مجوهرات من كل ملوك مصر وفي مجوهرات من بره

ومكان نضيف جدا هتستمتع بزيارتة وتشاهد كمية الذهب والالماظ اللي فيه.

٤- كوبري استانلي

مكان مناسب للتصوير او تناول حمص الشام.

٥- قلعة قايتباي

أحلي مكان تتصور فيه تقدر تشوف فيو حلو اوي لاسكندرية من فوق.

٦- المعمورة

مينفعش تيجي اسكندرية من غير ماتروح المعمورة ويروح ملاهي المعمورة لانها حلوة ورخيصه جدا

غير ان المعمورة كبيرة ونضيفه وممكن البنات تروح تركب فيها عجل وتلف براحتها من غير ماحد يضايقها لان بيبقي في امن وظباط هناك كتير .

٧- ألبان سويسرا

اللي يجي اسكندرية ومياكلش عند البان سويسرا يبقي مجاش اسكندرية اي اكله هناك معموله بالجبنة والجبنة بتاعته خليط من ١٢ نوع جبنة طعمه لازم اي حد يجي يجربه .

٨- كبدة الفلاح

مينفعش تكون ف اسكندرية ومتاكلش كبدة اسكندراني . وأصل الكبدة الاسكندراني هو كبدة الفلاح وجمبه تشرب من خروب امال وبعدين تحلي من الكنافه النابلسيه.

٩- حودة جندل

هتاكل كل انواع السمك اللي هتتخيلها وتغوص في السمك ومش هنقدر تخلصه سبب شهرته انه حلو ورخيص.

١٠- الشيخ وفيق

هتروح تطلب واحد رز بلبن بالمكسرات واتحداك تكون كلت واحد زيه قبل كده في حياتك .

١١- هولمز

هتلاقيه في شارع شعراوي وسموحه ورشدي احلي برجر هتاكله في حياتك وغالبا لازم تكون صايم قبليها ب ٤ ايام عشان تقدر تكمل الساندوتش طعمه قليل الادب بصراحه في الحلاوة .

١٢- سان ستيفانو وجرين بلازا وكارفور

دول اشهر ٣ مولات لو حابين تعملوا شوبنج وكل واحد فيه فود كورت في كل المطاعم وجوا كل واحد فيه سينما لو حابين تتفرجوا علي الافلام الجديدة .

١٣ – شارع فؤاد

اقدم شوارع اسكندرية هتشوف فيه الفن المعماري القديم وفيه مطاعم كتير حلوة وكتير وتقدر تتصور فيه فوتوسيشن حلو .

١٤- محل البن البرازيلي

الناس اللي حابين القهوة يبقي لازم يجربوه لانه جواه مطحن وبتشم ريحه القهوة وانت بتشربها .

١٥- ممكن تاخد مركب ف البحر ب١٥٠ جنيه الساعه ، يعلو انتوا ١٠ افراد مثلا كل واحد هيدفعله ١٥ جنية بس

ممكن كمان النظامي ومكرم احلي أيس كريم في بحري بجد جميل
الأحياء المائية جنب القلعه
ديليس محطه الرمل
حديقه انطونيادس في سموحه
هريسه طلعت ليه فروع كتير
الباص الأحمر اللي بيمشي على البحر دورين والدور اللي فوق مفتوح من بحري للمنتزة

شاهد أيضاً

معلومات عن كروز البحر الكاريبي

معلومات عن كروز البحر الكاريبي نورويجن NORWEGIAN (تجربة العمر)

t>معلومات عن كروز البحر الكاريبي – رحلة العمر وكفي تفاصيل كروز البحر الكاريبي الرحلة دي …

لما نحب نشتري من الهند

لما نحب نشتري من الهند ايه اهمهم وأشهرهم

t>لما نحب نشتري من الهند ايه اهمهم و أشهرهم ١. التوابل الهندية زي الكاري و …

الهجرة الي استراليا

الهجرة الي استراليا أهم النقط وازاي تبدأ هجره استراليا

t>الهجرة الي استراليا – تابع قراءة المقال عن موضوع الهجره لاستراليا متشعب جدا هنحاول نتكلم …