fbpx
الرئيسية / السياحة علم وصناعة / اكلات مصرية حسب محافظات مصر البحري
اكلات مصرية حسب محافظات مصر البحري
اكلات مصرية حسب محافظات مصر البحري

اكلات مصرية حسب محافظات مصر البحري

اكلات مصرية حسب محافظات مصر البحري – المقال ده هياخدنا في رحله وهنتعرف علي أشهر أكلات المحافظات لكل محافظات مصر البحري بس بطريقه مختلفه هتكلم عن أكل المحافظات اللي رحتها او اكلت فيها يشتهر المطبخ المصري بمذاقه المصري الخاص مع بعض التأثيرات الغنية

قد يهمك: عجائب الدنيا السبع في مصر
قد يهمك: السياحة في مصر شاهد بنفسك جمال أم العالم

اكلات مصرية حسب كل محافظة

وينقسم المطبخ المصري إلى مطابخ فرعية ينتشر فيها الأكل المصري العادي بالإضافة الي أكلات خاصة بها

مثل المطبخ الاسكندراني (البحري) والمطبخ الصعيدي (القبلي)، والمطبخ الفلاحي (ريفي)، والمطبخ البدوي (متأثر بأكلات الخليج العربي)، والمطبخ الشعبي.

جولة في أشهر أكلات المحافظات المصرية حسب كل محافظة

اكلات القاهره

هي فعلا قاهره لكل دايت او نظام غذائي و علشان هي العاصمه تلاقي فيها خليط من معظم المحافظات

بس محطوط عليها التاتش المودرن تلاقي فيها احلى حتت نيفه سايحة و نايحة بتدوب من حلاوتها من عند النجاحي

واحلى شوية فول و طعميه ممكن تقف نص ساعه مستني دورك بس علشان شوية فول زبده من عند العربي جحا ♥️

اكلات الاسكندرية

عاصمة الجمال والناس الرايقه الكبده الاسكندراني اللي مفيهاش اي اختراع بس سبحان الله محدش بيعملها زيهم ولا رغيف عيش باللحمه اللي هو الحاووشي بتاعنا

اكلات الشرقيه

يعني أحلى حتة رغيف عيش باللحمه خلطته مختلفه اوي عن بتاع اسكندرية ولا ورقة اللحمه اللي بتتعمل قبليها بيوم تتكمر في صهد فرن الطوب مش كل الناس عارفة الطريقة دي👌

اكلات المنوفية

احلى حتة فطير تأكله من ايد ست بيت منوفيه ولا شوية كسكسي و وز 😍

اكلات المنصوره

منبع الفسيخ نبروه و كمان مره نبروه والفول بالقشطه والمحشي على الكانون ولا البليله اللي عليها مكسرات ورشة سمنه بلدي و زغزغة قرفه يا الله على الجمال

اكلات طنطا

شيلله يا سيد يا بدوي احلى حبة حمص متحمصين و متقشرين و متنقين بالوحده و لا الحلاوه الشعر و حلاوة المولد يا قلبي عليها ♥️

اكلات دمياط

كل بلد وليها مطار الا دمياط و ليها مينا احلى مشبك في الدنيا مقرمش و قلبه بيشر عسل و لا الجبنه الرومي اللي اضربت في الدنيا كلها بس لسه ما اضربتش عندهم 😘

اكلات البحيره

وحلاوة ناس البحيره الدنيا كلها بتاكل الطعميه بالطحينه الا هما بياكلوها بالحباش ولا جمال مزارعهم و الخضره 🌿

اكلات مرسي مطروح

ودي ممكن اكتب شهور وسنين عنها بسب جمالها و جمال التين البرشومي اللي قلبه معسل و لا جمال الخرفان البرقي و شاي اللي بالحبق😥😥

اكلات السويس

بلد الوحوش بلد الغريب و الاكل اللي مفيش حد بيعمله زيهم الاسترديا و الاسترنباء و احلى صدفيات من شارع النمسا

اكلات بورسعيد

والبوري المبطرخ و الشيكال اللي من حلاوته تستغرب سعره نسها ريقه و طيبين

اكلات سينا

ارض الجمال والفيروز اللي ريحة ترابها بس وشكل جبلها تراضي روحها مبالك باكله السلطه العريشي والجعر المشوي والعيش اللصيمه

اللي بيساوي في الرمله وبيطلع انضف من النضافه و الزيت وشجره و لا الخوخ السيناوي و احلى سمكة تونه صفرا من بلاد الفيروز ولا الفارس اللي كل حته فيها بطعم

اكلات الاسماعلية

يعني كل مانجة وليها طعم الا مانجة الاسماعلية ليها طعم تاني

شاهد أيضاً

تطبيق السياحة الالكترونية فى مصر

متطلبات تطبيق السياحة الالكترونية فى مصر

متطلبات تطبيق السياحة الالكترونية فى مصر وفقا لمنظمة السياة العالمية بعد التعرض لمفهوم السياحة الالكترونية …

السفر لتركيا مع الاطفال - تجربة شخضية مع الكيدز لتركيا

السفر لتركيا مع الاطفال – تجربة شخصية مع الكيدز لتركيا

السفر لتركيا مع الاطفال تجربتي مع الكيدز لتركيا كانت من أحلى التجارب ليا وحابة أقول …

يعني اية دهب ⁦❤️⁩

يعني اية دهب ⁦❤️⁩

يعني اية دهب ⁦لو مهما اتكلمنا عن البلد دى الكلام مش هيخلص دهب يعنى قعدة …