ملتقي السياحين العرب

افضل اماكن السفر لقضاء شهر عسل او لوحدك مهما كانت ميزانيتك وبدون فيزا

افضل اماكن السفر شهر عسل ,او لوحدك وبدون فيزا الموضوع صعب طب نحاول نسهلها ورقة وقلم ونكتب سوي وبلاش كسل

افضل اماكن شهر عسل بدون فيزا

قد يهمك: شهر عسل بره مصر ولا فرح ؟ شهر عسل في بالي
قد يهمك: نصائح لو ناوي تسافر تركيا

عايز مكان شهر عسل : تركيا – بالي – تايلاند

عايز شهر عسل ومن غير فيزا : بالي
تذكرة + الشنطة + المدام وتسافر

عايز تسافر او تسافري لوحدك وسولو ترافلر وكدة : بالي برضو / جورجيا / ارمنيا / الهند/

طبعا في بلاد كتير اوي تسافرها لوحدك بس نصيحة تسافر حاجة من دي في الاول ، رخيصة ، فيزا سهلة ، غنية بالتراث والحضارة وتقدر تاخد بيها خبرة لو اول مرة تسافر

قد يهمك: السياحة في ماليزيا وردة القارة الاسيوية

عايز تسافر اي مكان برة مصر ومش عايز تقدم علي فيزا :

1-بالي
2-لبنان ( شرط وجود ٢٠٠٠ دولار في دخول البلد )
3-ماليزيا
٤-جورجيا لو مقيم في اي دولة من دول الخليج ومعاك اقامة فيها
٥-موريشيوس لو ليك في افريقيا

طب عايز تقدم علي شينجن او معاك شينجن :

1- مينفعش لأي سبب متروحش امستردام
امستردام كدة هنا مهمة اوي زي بالي كدة فوق اللي كتبتها في كل السطور
امستردام … نقطة و من اول السطر
2-التشيك
3-باريس
4-برشلونة

طب معاك او تقدر تدفع تذكرة غالية شوية ودماغك شوية مختلفة وبتحب تجرب حاجة جديدة او مختلفة امريكا الجنوبية

البرازيل
كوبا
الاكوادور ( من غير فيزا )

طب معاش حاليا تمن السفر برة مصر ، علي متحوش تقدر تطلع حتي من دول

راس شيطان
دهب
مرسي علم

راس شيطان ودهب فيها اماكن انا مستعد احلف انها احلي من باريس انت بس ادخل دور علي كامب حلو و احجز و سافر

Exit mobile version