fbpx
الرئيسية / المسافرون العرب حول العالم / ازاي تسافر تركيا من غير تصريح أمني وشروط الفيزا الالكترونية
ازاي تسافر تركيا من غير تصريح أمني
ازاي تسافر تركيا من غير تصريح أمني

ازاي تسافر تركيا من غير تصريح أمني وشروط الفيزا الالكترونية

ازاي تسافر تركيا من غير تصريح أمني

ليه تسافر تركيا مش اي دولة تانية مثلا ؟
نصائح لو ناوي تسافر تركيا

ازاي تسافر تركيا من غير تصريح أمني

الفيزا الالكترونية لتركيا :

تقريبا من كل ٥ أشخاص بيعملوا الفيزا الإلكترونية.

٤ منهم بيعملها من مواقع غلط ووسيطة بيخدوا منك ٥٠ ل ٨٠ دولار. !

الموقع الوحيد الرسمي والمعتمد والرخيص هو : evisa

وتكلفتها ٢٠ دولار بس. بلاش تدخل جوجل وتكتب e visa حيطلعلك مواقع باضعاف السعر..

شروط الفيزا الالكترونية للي ميعرفش :

– السن أقل من ٢٠ أو أكبر من ٤٥ سنة .

أو :

– معاك فيزا (سارية) :

شينجن – امريكا – انجلترا .

مش شرط تكون استخدمت الفيزا قبل كده ..يكون فيها صلاحية يوم واحد بس عادي ..

ينفع نسافر علي أي شركة طيران ؟

فيه شرط مكتوب علي الموقع خاص بشركات طيران معينة لازم تسافر عليها. ( للمصريين )لو بتعمل فيزا اونلاين .

وهي :

بيجاسوس – الطيران التركي – مصر للطيران .

❌❌ (والشرط ده متركزش معاه اوي ) لأن ناس كتير بتسافر علي طيران النيل وفلاي دبي مثلا.. عاادي جدا .

وكمان لو انت مسافر من بلد غير مصر ( الصين مثلا ) حتلاقي فين شركة طيران من المكتوبين دول .

ارخص طيران من مصر

طيران بيجاسوس بيطلع من شرم والغردقة بأسعار معقولة جدا.. والخطوط اليونانية واحيانا طيران النيل.

الترانزيت في تركيا

بص يا سيدي .. فيه روايات متضاربة وتجارب مختلفة إسمع انت وشوف اللي يريحك.

الرواية الرسمية

المفروض أنك لو مسافر أي بلد وعندك ترانزيت في اسطنبول أن عدد ساعات الترانزيت لا تتعد ٦ ساعات .

لواكتر من كده ( إحتمال كبير جدا) يطلب منك تصريح أمني .

وهنا حتلاقي واحدة مسافرة كانت رايحة امريكا ترانزيت اسطنبول ١٤ ساعة

والظابط ضحك وختملها وعلي نفس الطيارة حتلاقي مسافر تاني ظابط الجوازات في مصر كان مووده وحش رفض يسفره لأنها معندوش تصريح أمني.

فالخلاصة :

لو ترانزيت اكتر من ٦ ساعات . موضوع فيه ريسك كبير.

– لو عمرك اكبر من ١٨ سنة واقل من ٤٠ سنة حتحتاج تصريح أمني للأسف. .

لو مش حتنطبق عليك الشروط من وجود مهنة في الجواز وتامينات اجتماعية او صاحب عمل..مش حتقدر تطلع تصريح.

لازم عشان تقدم علي التصريح الامني تجيب دعوة من شركة سياحة في تركيا. ( فيلم هندي وفلوس )..

ازاي تسافر من غير تصريح أمني ؟

لو حتموت وتسافر والموضوع فارق معاك جدا دي الطرق المتاحة اللي ممكن تسافر بيها تركيا من غير

١- تسافر عن طريق بلد تاني .
زي دبي – لبنان .( لو تقدر تدخلهم).

وبكده خط السير حيكون القاهرة – دبي- اسطنبول .

بس استني عندك شوية حوارات ممكن تقابلك :

لو فيزا تركيا مطبوعة علي الجواز احتمال تتكنسل في المطار والظابط يشطبلك عليها .( حدث بالفعل ).

احيانا كانوا بيمنعوا المصريين من دبي نفسها انهم يسافروا تركيا لو معندهمش اقامة في الامارات .
(حصل مع ناس.. بس اعتقد الموضوع دلوقتي بأه عادي.. حد يأكدلنا في التعليقات تجاربه ).

٢- السفر ترانزيت
عن طريق الخطوط التركية .

السيناريو الاول 🙁 ( لو مصمم )

لو معاك فيزا الكترونية لتركيا ( الشروط اللي كاتبها فوق)
ومعاك فيزا امريكا او انجلترا او شينجن.

حتحجز تكت من القاهرة للبوسنة مثلا او تيرانا ( البانيا )🤔
( متبصليش).

دول بلدين تقدر ندخلهم بفيزا شينجن او امريكا

الحجز ع الخطوط التركية:
ترانزيت في اسطنبول .وتكون مسافر بهاندباج بس.

حتنزل اسطنبول متكملش الرحلة وتدخل بالفيزا الكترونية.

الحجز حيكون علي الخطوط التركية ذهاب بس .
وتحجز العودة لوحدها ( وتكون مستردة ).

لفة طويلة ومكلفة . بس أنا بعرض الحلول وكل واحد وظروفه واحتياجاته..

السيناريو التاني 🙁 لو مصمم أوي)

لو معاك فيزا تركيا علي الجواز .بس مفيش تصريح أمني.

حتعمل جواز بدل تالف للجواز اللي عليه الفيزا ( بقولك متبصليش في ناس محتاجة تسافر بأي طريقة).

ولما تطلع الجواز الجديد حيكنسلوا القديم ( بس الفيزا حتكون سارية عليه ).

تحجز علي اي بلد زي: قرغيزستان مثلا او بلد بدون فيزا او فيزا اونلاين.

علي الخطوط التركية . (تذكره ذهاب لوحدها وتحجز عودة مستردة)

حتسافر بالجواز الجديد وتشيل القديم ( الملغي اللي عليه فيزا تركيا ) في شنطة ايدك.

تسافر بهاندباج بس. لانك مش حتكمل الرحلة للآخر .
حتنزل اسطنبول ترانزيت .

تطلع الجواز القديم اللي عليه الفيزا مع الجواز الجديد الصالح وتدخل تركيا.

شاهد أيضاً

السفر الي جمهورية أوزوبيس كما تلقب في العالم جمهورية الروقان

العيش والسفر الي أوزوبيس جمهورية الروقان بشرط تنسي همومك ومشاكلك

العيش والسفر الي أوزوبيس بالفيديو (فرصة لا تكرر) “جمهورية أوزوبيس” دلوقتي عايزة مواطنين جدد “جميع …

افضل اسعار تذاكر السفر

افضل اسعار تذاكر السفر والبرامج السياحيه حول العالم – falconfortravel

افضل اسعار تذاكر السفر مرحبا بكم مع FALCONFORTRAVEL للسياحه والسفر افضل اسعار تذاكر السفر حول …

مدينة أبورديس بجنوب سيناء

مدينة أبورديس بجنوب سيناء الراحة النفسية اللي هتحس بيها

مدينة أبورديس بجنوب سيناء فيه منكم كتير هيسمع الاسم لأول مرة بس ده مش معناه …